鳥駅

營業中

休息中

今日經過中環 見到一間好特色串燒店嘅餐廳就去咗試。 入到去叫咗一個set黎食。環境好舒服同好寬敞。餐廳主打以雞黎製作不同部位，有串燒食有酒飲，岩晒同人黎傾計。帶子牛油果沙律🥗： 一開始就有酸酸甜甜嘅沙律，仲有啲帶子非常清新同開胃。之後廚師發辦10件串燒： 中意食肉嘅有雞翼，雞胸肉，燒白鱔， 鍾意食內臟嘅又有雞心，燒牛舌。 佢嘅串燒全部都燒得非常香脆， 燒到啲雞肉外脆內軟。 而當中最深印象嘅就係燒白鱔 同車厘茄肉丸。 白鱔個皮燒到焦脆肉質爽口，仲有豐富嘅魚油汁。 車厘茄肉卷用消除嘅豬肉包住多汁嘅車厘茄，估唔到咁夾。雞肉親子丼：最後仲有個主食，嫩滑嘅雞肉配埋半熟嘅雞蛋食完真係捧住個肚走。薄荷葉伯爵茶雪糕： 最尾仲有個甜品做一個點綴。