影片
港鐵香港站 C 出口, 步行約9分鐘
繼續閱讀
電話號碼
93292041
營業時間
今日營業
12:00 - 15:00
17:30 - 23:00
星期一
全日休息
星期二至四
12:00 - 15:00
17:30 - 22:00
星期五
12:00 - 15:00
17:30 - 23:30
星期六
17:30 - 23:30
星期日
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
老公特登搵間串燒餐廳慶祝記念日，由於佢鍾意食雞，貪佢高蛋白質🤭所以揀咗呢間燒鳥專門店，可以試吓啲特別雞部位，同埋飲吓酒輕鬆吓～-估唔到呢度好闊落，得bar枱serve客，個個都可以睇到師傅燒串燒～-老公發板叫左個主廚推薦set（$728），等師傅準備唔駛自己揀🤭-頭盤有北海道帶子牛油果沙律，雖然有芝麻醬，但都食到帶子甜味～另外仲有幾特別嘅日本水茄子同紫蘿蔔，水茄子好多汁，無其他調味，可以單純食蔬菜嘅甜👍🏻-🍢串燒重點推介🌟雞喉嚨第一次試呢個部位，口感幾爽口-🌟大蔥雞肉串雞肉同樣juicy，重點係大蔥食落唔會好濃味，同雞肉味好平衡👍🏻-🌟雞肝味道濃但唔會腥，配下柚子胡椒醬食無咁濟-🌟牛舌軟熟好易咬，一路食一路滴汁😆-🌸白鱔全晚最愛😍燒到啱啱好，肉質唔會散，夠新鮮唔會腥，連我老公唔鍾意食魚都讚正💕-🌟車厘茄豚肉卷豚肉偏肥，但配埋車厘茄少少酸味，完全唔覺得肥膩-由於佢啲雞串燒太出色，再另外叫埋雞蠔肉（$48）同雞小腿（$38）試下～🐥雞蠔肉係近腿位置，所以連埋皮燒，雞皮薄脆而雞肉夠厚同juicy，呢個好值得叫🤤反而雞小腿就無咁特別，同埋比較細舊😆問咗師傅原來佢哋係用新鮮三黃雞，所以啲燒鳥全部都好濃雞味🐔-主菜我就揀咁雞湯烏冬，湯底有少料胡椒味，雞味超濃厚，啲湯俾我飲哂😋老公就揀咗燒飯團，估唔到飯焦夠脆唔痴牙，配埋塊香脆嘅紫菜，仲出色過烏冬😍-最後甜品係紫蘇葉雪葩，諗住應該麻麻地，不過佢紫蘇葉味唔重，食落又幾清新～-今日好滿意老公嘅安排💕雖然係食串燒，但抽風系統會得好好，唔會成間舖都係油煙，staff又反應好快，話凍就即刻較細冷氣同offer毛氈，絕對值得再encore 👏🏻
繼續閱讀
之前喺日本食過雞🐥既omakase覺得幾得意，所以都想喺香港食下～ 呢到係特式燒鳥店，會以雞🐥既唔同部位製作，幾多選擇，味道都唔錯😋 出面bar枱係以食串燒🔥🍢為主，入面仲有酒吧可以飲翻兩杯🍻，仲可以包場，環境好闊落，又有locker可以鎖隨身物品～ (5 😍 係滿分，🤩係半分）主廚推薦 👨🏻🍳 - $728前菜 / 日式漬物牛蒡漬物：幾爽口，有鹹香又清甜都唔錯～大蒜漬物🧄：鹹鹹辣辣🌶️咁幾惹味香口季節沙律🥗今次既季節沙律🥗係帶子沙律⚪️🥗，上面鋪滿左厚切既刺身帶子⚪️，色澤透亮，清甜軟糯～ 配埋清香軟滑既牛油果片🥑、酸甜多汁既番茄仔🍅、清新爽脆既沙律菜🥗同埋酸酸甜甜既日式沙律汁幾開胃🤤精選串燒10串 (含2串野菜) 🔥🍢燒雞翼 🔥🐥🪽：肥美飽滿脹卜卜咁，表皮微脆有油香同彈性，入面肉質嫩滑～大蔥雞肉串 🐥：大蔥味道清香，可以中和燒物🔥既油膩，雞肉🐥依然嫩滑香口免治雞肉 🐥：肉質鬆軟細膩，雞味🐥幾濃郁，配埋香口既蛋漿🥚都唔錯～雞掌心 🐥✋🏻：第一次食呢個部位，雞掌心🐥✋🏻係雞掌位凸起既小肉，一隻腳得兩件仔，口感軟嫩有咬口幾特別～燒雞心 🐥🫀：同樣係罕有部位，香味濃厚，質感爽脆都幾得意燒白鱔 🐟：表皮燒到焦脆帶有啲彈性，幾鮮味又唔覺得腥，係稍微多骨🦴左啲煙肉車厘茄串 🥓🍅：惹味有鹹香又油潤既煙肉🥓配埋酸甜多汁既車厘茄🍅幾夾～燒青椒 🫑：燒完🔥之後蒸發緊啲水分💧個煙燻香味更加突出，幾清新爽口燒秋葵：燒過🔥之後無咩草青味🌱同埋無咁滑潺潺，會易入口同再香口啲，質感爽脆都唔錯燒牛舌 🐮👅：專門隔離配左Wasabi，下邊有紫蘇葉🟣🌱，味道清香，牛味🐮濃郁，爽口彈牙～調味醬料就主要有百搭既七味粉、配白鱔🐟既山椒粉同埋配肉既柚子胡椒醬🍊，各有風味～親子丼 🐥🍚估唔到個親子丼 🐥🍚都幾出色，雞蛋🥚細嫩軟綿，雞肉🐥嫩滑香口，洋蔥🧅軟腍清甜，整體味道惹味香甜，好好撈飯🍚👍🏻雞湯烏冬 🐥🥣🍜跟住就到雞白湯烏冬🐥🥣🍜，雞湯🐥🥣煲得夠杰，味道鮮甜，有醇厚既雞味🐥，帶有少少黏口🤩 個烏冬🍜軟糯滑溜幾掛湯🥣 連埋上面香口既紫菜食都唔錯～甜品 🍨最後尾有個伯爵茶雪糕☕️🍨做甜品，食完咁多熱辣辣既串燒🔥🍢之後食翻個凍冰冰既雪糕🍨幾正🤤 個雪糕🍨奶味🥛香濃，細膩幼滑，亦有芳香馥郁既橘子🍊香味同埋溫潤既茶香☕️，上面仲灑左啲脆脆，口感幾豐富🤩好味指數：😍😍😍😍推介指數：😍😍😍😍
繼續閱讀
鳥駅 @ 中環服務貼心既鳥燒店…又到最愛既串燒時間…今次餐廳係嘉咸街斜路上…咁就做下熱身先食串燒餐廳好細心準備左儲物櫃俾客人收放私人物品…仲有地方放外套(會幫你包膠🤣)…咁就唔會有路人知你食完串燒望下餐牌…果然鳥燒店…好多特別雞部位…想有d神秘感就點左串燒omakase！包左10串串燒…其中兩串係蔬菜先黎個帶子牛油果沙律清清味蕾…呢個角度望到廚師表演…燒烤時間掌握得唔錯…要焦香有焦香…調味都非常適中👍🏻第一味就挑戰個人膽量…雞喉嚨 見到樣時係有少少卻步…膽粗粗試下…喂！又幾唔錯…燒得帶少少焦香 口感好爽脆 燒雞翼 其實好睇到師父既功力…而呢度既雞翼一望就知燒到皮脆肉嫩 燒白鱔 配上山椒粉 可以帶出白鱔鮮味…好重油香同肉質彈牙雞掌心 呢個幾特別 平時食鳳爪 中間個掌心位口感爽彈 原來做串燒更惹味燒雞心 生熟度啱啱好…唔會有內臟味…加上百里香增添風味燒豆腐 每次必點item…呢度做得好好味 豆腐外脆而裡面保持到好嫩滑同好香豆味燒牛舌 厚切 爽脆 最鍾意牛舌呢個質感 加入紫蘇葉同wasabi 一齊食👍🏻👍🏻煙肉車厘茄…雞胸軟骨…明太子燒🍙…正常發揮另外仲有個親子丼…呢個有驚喜…滑蛋呈半生熟狀態…雞肉嫩滑…個汁份量啱啱好…唔會水浸咁。 食完個碗仲係乾身食物質素唔錯…服務貼心…黎唔黎你識揀啦
繼續閱讀
大家知我鍾意飲湯～～介紹返被串燒埋沒咗嘅 #雞湯烏冬！用三黃雞熬出嚟極香醇！新餐廳喺正超多旅客嚟打卡嘅嘉咸街入夜行經幾次對餐廳印象深刻落地玻璃設計一眼望入去係個好cozy嘅sofa位水泥工業風嘅佈置有種屋企客廳嘅感覺等位都等得零舍chill 再直入就係個open kitchenTori明顯主打食雞唔想煩食乜可以點串燒omakase我呢啲揀飲擇食嘅就主張自己串燒自己點料理枱較高所以我要un高先觀賞到師傅嘅身手先讚個通風同抽油煙做得幾好全程狂燒但我都冇覺得好油煙再吹奏多次雞類最深刻係雞！湯！烏！冬！超濃雞湯濃得變成金黃色我話濃係個味道口感下佢又未到好膠質到濃稠漿口配扁烏冬有少少掛汁成碗澱粉食落又唔係好heavy，難得！雞串燒雞頸肉雞尾同雞翼都都燒得恰到好處外脆焦香得嚟肉質仍juicy鮮嫩調味都係各有配搭最深刻係雞尾係用牛油調味再加紫蘇葉碎變相食落有油香得嚟又唔會好膩其他串燒都穩定發揮牛舌同白鱔都可以encore 朋友大讚嘅燒飯團我咬咗一啖外脆內軟有鹹香係唔錯嘅～
繼續閱讀
鳥駅，位於中環，高檔次日式串燒風店🇯🇵特式燒鳥店，用雞不同部位製作串燒，仲係酒吧黎添，經過好靚既清酒櫃，有Locker俾你放袋，唔使啲燒烤味入晒個袋🫶🏻環境闊落，Bar枱式設計可以望住師傅燒同即刻食😍餐牌有好多選擇，甚至有一頁係雞既稀有部位，超專業🐣燒五花腩，因為係Bar枱，遞串燒過嚟時啲油仲係塊五花腩上面滋滋滋😆唔太肥，肉味好濃厚薄適中👍🏻燒雞翼，外皮好香脆，雞油味濃，驚人在食完店員就會夾走你舊雞骨，服務好到😳燒雞頸，我最愛既部位，有咬口但嫩滑，正❣️大葱雞肉串，好香，汁燒雞肉正，好味😋燒蘑菇，最正既燒法，留晒啲菇汁係菇上面🫠要融喇，啲菇汁加蘑菇係口入面爆發，好正既菇味🩵燒白鱔，賣相都嚇親，厚到😎皮好脆，鱔又鮮又彈，勁好味🤤燒牛小腸，爽身而醬汁好味，螢光魷魚乾，燒完都好有螢光魷魚既海鮮味👍🏻燒雞尾，勁肥美，雞味都濃，燒飯團，靚到，醬汁好味又夠脆，正✨甜品就係芝士年糕(其實唔甜🤣)，超重芝士味，有Blue cheese，好正🙌🏻#鯛魚燒，紅豆餡，香濃好味😋整體好高質既日本串燒，食材好高質，記住黎要book位！🤗
繼續閱讀
您可能會有興趣的...