本身想去呢度食雪糕🍦但係望望下原來有正餐嫁喎🥰
二話不說就走咗入去呢間餐廳 諗住食完正餐再可以食埋雪糕🍦
餐廳係自助形式嘅 自己搵位坐 再自己出去叫嘢食
俾咗個號碼牌你
食物準備好嘅時候就會有店員拎過嚟俾你
我哋叫咗三個意粉 一嚟到嘅時候發現好靚喎
啱晒港女心水 配埋雲石枱好好feel
跟餐可以有沙律或者湯
然後有杯餐茶 係用茶包🤪
意粉比我地想像中煮得香濃😍
我哋食咗一個溫泉蛋carbonara意粉
一個溫泉蛋番茄意粉
一個南瓜醬帶子意粉
我個人最鍾意南瓜醬帶子意粉
特別得來又唔會太濃烈
清清地
不過另外兩碟意粉撈埋溫泉蛋都好正
一路坐氣氛都好好 望住朗豪坊嘅燈飾同朋友傾計
傾到11點先俾人趕走
本身諗住入嚟食雪糕 但係食正餐原來都夠晒飽
傾住計我哋都冇再特別去叫嘢食嚕！
