李好味 (已結業)

剛剛行完大館，沿途經過石板街落嚟，見到呢間餐廳裝修幾有特色就走入去，點知一睇個餐牌，海南雞飯$150，以為中伏，不過一場入到黎，無謂咁掃興就返出去，就點左個海南雞飯，黑松露玉子豆腐炒飯。首先黎個湯，竟然係老火湯冇味精，超好味。我又知道揾啱地方。嗰個炒飯，好有層次，正！海南雞飯啲飯有薑味，正。真材實料。雖然沒有飲品，最後有個甜品，又幾好味喎，果然冇選擇錯誤，休休閑閑，輕輕鬆鬆坐低食返個靚嘅午飯，望住出面嘅街景，聽住餐廳播放嘅舊歌，別有一番味道。