影片
更多
2019-05-11
41 瀏覽
行經旺角波鞋衝，就諗住順便喺嗰頭食嘢。一個唔覺意被茶茶嘅門面吸引住，即刻好想食台灣嘢。女朋友叫咗杯超級水果綠妍，我試飲咗同試食咗啲水果，覺得幾新鮮同清新，唔錯唔錯！但我始終鐘意奶蓋類多啲，所以就叫咗杯芝士綠妍。其實飲落去似奶茶，但茶味都幾香，奶蓋又唔會太甜，幾正！媽媽就嗌咗滿杯菠蘿，佢話幾香菠蘿味！其實茶茶有好多鍋物可以選擇，但因為帶埋媽媽嚟食，佢比較鐘意食魚同辣嘢，所以最終我哋就揀咗巴蜀烤魚鍋，加BB辣。其實我平時唔太好食魚，因為好怕啲魚好多骨，但呢條魚冇乜細骨，都幾易食。鍋裡面仲有好多配菜，而且仲索晒啲湯，如果可以加多碗白飯嘅話就真係冇得頂！女朋友叫咗牛舌，我心諗呢度啲牛舌咁平應該都麻麻哋啦！但又估佢唔到幾嫩口同夠味喎！真係好驚喜！加上佢面頭淋咗少少類似七味粉嘅調味料同蒜蓉，即刻令到塊牛舌更加香口。鹽燒大蝦唔算平，要成$38隻，但上到枱佢又真係幾大隻！咬落去仲啖啖肉，好滋味！雞軟骨我一向麻麻，但女朋友猛話呢嘅雞骨好食，咁我都唯有試兩舊啦，又真係OK嘅，幾有咬口，幾夠味。呢度嘅台灣腸真係不可不點！媽媽未去過台灣，未食過正宗嘅台灣腸，佢淨係一路食一路讚話好味，甜甜哋好特別。女朋友話呢度
一個唔覺意被茶茶嘅門面吸引住，即刻好想食台灣嘢。
女朋友叫咗杯超級水果綠妍，我試飲咗同試食咗啲水果，覺得幾新鮮同清新，唔錯唔錯！但我始終鐘意奶蓋類多啲，所以就叫咗杯芝士綠妍。
其實飲落去似奶茶，但茶味都幾香，奶蓋又唔會太甜，幾正！
媽媽就嗌咗滿杯菠蘿，佢話幾香菠蘿味！
其實茶茶有好多鍋物可以選擇，但因為帶埋媽媽嚟食，佢比較鐘意食魚同辣嘢，所以最終我哋就揀咗巴蜀烤魚鍋，加BB辣。
其實我平時唔太好食魚，因為好怕啲魚好多骨，但呢條魚冇乜細骨，都幾易食。鍋裡面仲有好多配菜，而且仲索晒啲湯，如果可以加多碗白飯嘅話就真係冇得頂！
女朋友叫咗牛舌，我心諗呢度啲牛舌咁平應該都麻麻哋啦！但又估佢唔到幾嫩口同夠味喎！真係好驚喜！加上佢面頭淋咗少少類似七味粉嘅調味料同蒜蓉，即刻令到塊牛舌更加香口。
鹽燒大蝦唔算平，要成$38隻，但上到枱佢又真係幾大隻！咬落去仲啖啖肉，好滋味！
雞軟骨我一向麻麻，但女朋友猛話呢嘅雞骨好食，咁我都唯有試兩舊啦，又真係OK嘅，幾有咬口，幾夠味。
呢度嘅台灣腸真係不可不點！媽媽未去過台灣，未食過正宗嘅台灣腸，佢淨係一路食一路讚話好味，甜甜哋好特別。女朋友話呢度嘅台灣腸同台灣夜巿嘅味道一樣！我都覺得味道非常相近，以後掛住台灣美食真係可以嚟食吓！
蒜蓉秘製青口一上枱我哋都表示驚訝，因為超多蒜蓉！本身仲驚啲蒜蓉會蓋咗青口嘅鮮味，但好彩完全唔會，一啖啪入口可以同時食到兩個層次！
扇貝上面嘅粉絲吸晒蒜味同扇貝嘅鮮味，好正！
媽媽同女朋友平時好鐘意食羊肉，見呢度有得叫緊係唔會放過機會！
佢哋係咁話好夠羊味，但又唔會太SO，上面嘅調味粉吊到羊肉嘅鮮味出嚟！
食串燒係一定要叫雞肉串！呢度嘅雞肉串好多肉汁，表皮冇烤燶，雞肉唔老，唔錯唔錯！
最尾我哋仲加咗碟涼拌小青瓜，估佢唔到咁大碟！青瓜我淨係食脆嘅，咬落去要「索索」聲咁先好食。
呢度啲青瓜究竟用咗咩醬呢？咁好味嘅！
上面仲加咗我好鐘意嘅芝麻添！
食完呢碟青瓜真係飽到喊，有乜理由$28咁大碟架！！
張貼
