蠔站 (將軍澳中心) (已結業)

早兩晚家人突然話想食蠔, 太累不想去得太遠, 唯有近近地搵返呢間餐廳。都算是這區唯一的 oyster bar (我印象中)!由於天氣寒冷, 人人都去晒火鍋同煲仔飯, 或中菜, 所以諗住無乜人, 可以 walk in!果然去到有很多枱, 始終食蠔凍冰冰的, 哈哈。一坐低就點了一打生蠔, 細隻左少少, 但都充滿海水味, 又爽口。家人一打唔夠喉, 再來一打, 我唯有望住佢食啦。Tatihou 蠔 ~ 產自南非。$10 一隻都算抵食!之後點左 D 熱食, 軟殼蟹扁意粉。意粉個汁係用咸蛋黄整的, 一入口滿滿的咸蛋黃香味, 但又唔會好滯, 幾好喎!再來一客墨西哥菠菜雞肉芝士薄餅!薄餅賣相不討好, 有 D 位很燶。但食落有驚喜, 鬆脆之餘芝士是可以拉長長的絲的, 十分的滿足感!推介!跟薄餅一起上的還有三款醬料, 有 salsa 醬, 牛油果醬同沙律醬。會員仲有 9 折, 特價 $10 蠔除外。