影片
更多
2013-01-15
1780 瀏覽
朋友生日想食日本菜,本來想去另一間,但係冇得訂位,穩陣起見BOOK左呢度,刺身及壽司拼盤都有半價優惠,好抵食,所以吸引左我嚟呢度呀.環境都幾靚,舒服,我地五個人每人先嚟一碟前菜,係東坡肉,有朋友話佢唔食,跟住有三個人唔食,仕應話可以轉一碟燒雞泡魚干俾我地,其實東坡肉都幾香及幾好味的呀,雞泡魚干都好好味,好香及乾身,GOOD.首先叫左一個刺身及壽司拼盤,跟住叫左一個刺身沙律,酒糟芝士,燒牛脷,一個咖喱烏冬. 刺身賣相好吸引,有三文魚,吞拿魚,海膽,蝦,三文魚子,有幾款魚我唔知係咩魚,我覺得全部都好新鮮,鮮甜,三文魚肥美,我唔食海膽的,試左少少都冇鯹味,吞拿魚都好鮮,甜蝦好大隻架,全隻上,三文魚子好大粒,不過我都係唔食的.壽司拼盤有十件左右,蛋,吞拿魚,三文魚,海膽......等,都好味呀,用料都算新鮮,賣相又好精緻呀,感覺好好,朋友們都話好美味.牛脷一般啦,不過都好大件的,唔夠淋身,酒糟芝士原來係用嚟送酒食既,芝士入面有一些魚腸做既醬,加埋一塊餅仔一齊食,我好鍾意食呢個,因為好香芝士味,朋友話好感,我地唔夠餅還問仕應取,但仕應話要另外收錢,後來叫番第一個似係經理及日本人的嚟問佢可否另外俾
環境都幾靚,舒服,我地五個人每人先嚟一碟前菜,係東坡肉,有朋友話佢唔食,跟住有三個人唔食,仕應話可以轉一碟燒雞泡魚干俾我地,其實東坡肉都幾香及幾好味的呀,雞泡魚干都好好味,好香及乾身,GOOD.
首先叫左一個刺身及壽司拼盤,跟住叫左一個刺身沙律,酒糟芝士,燒牛脷,一個咖喱烏冬. 刺身賣相好吸引,有三文魚,吞拿魚,海膽,蝦,三文魚子,有幾款魚我唔知係咩魚,我覺得全部都好新鮮,鮮甜,三文魚肥美,我唔食海膽的,試左少少都冇鯹味,吞拿魚都好鮮,甜蝦好大隻架,全隻上,三文魚子好大粒,不過我都係唔食的.
壽司拼盤有十件左右,蛋,吞拿魚,三文魚,海膽......等,都好味呀,用料都算新鮮,賣相又好精緻呀,感覺好好,朋友們都話好美味.
牛脷一般啦,不過都好大件的,唔夠淋身,酒糟芝士原來係用嚟送酒食既,芝士入面有一些魚腸做既醬,加埋一塊餅仔一齊食,我好鍾意食呢個,因為好香芝士味,朋友話好感,我地唔夠餅還問仕應取,但仕應話要另外收錢,後來叫番第一個似係經理及日本人的嚟問佢可否另外俾些餅我地,因太多芝士,他好快的就叫仕應取了一碟給我們. 我們還跟他聊天, 他好好人呀!
因太多凍食,我們另外叫左一碟炒烏冬,因選擇唔多,跟住將蝦頭煲三碗面豉湯,炒烏冬一般啦,蝦頭面豉湯都好濃好鮮甜好味喎. 最後每人送一個雪糕球,都好大個架,有芒菓,芝麻味道,好好味,不過好凍.
我地坐左好耐係度傾計,朋友還同經理傾計問佢係咪日本人,我初初睇食評話呢度好多日本人,我地一直以為佢係,原來係沙巴人啊,還有其他仕應係台灣人,我想只有BAR枱的廚司才是日本人啊.
張貼
