FLIPPER'S (已結業)

香港愈來愈多不同款式嘅pancake店，要講到印象深刻當然係希慎Flippers，試過之後真係想每一日都食。Flippers裝潢較為簡約，感覺非常舒適，但有興趣去食嘅朋友真係要預啲時間排隊，因為每一日都好多人去食。Pancake款式非常多，有原味、士多啤梨等，最後我就叫咗奇蹟之宇治抹茶班戟。奇蹟之宇治抹茶班戟老實講買相非常吸引，真係呃Like首選。最重要佢真係有睇得又食得，特別講返班戟用咗日本京都宇治抹茶嚟整，有著好香濃嘅抺茶味。加埋佢哋綠茶雪糕，同埋自家製軟心朱古力食時口感層次更加豐富。仲有就係日本直送大福餅，透薄嘅麻薯皮，加埋內餡包住細滑嘅抺茶忌廉及清甜草莓，真係超正，食完真係令我融化。Flippers Punch隨咗食物出色，飲品都唔錯。飲品唔會好甜，而且仲有啲生果肉係裡面相當清新。