CHUTNEY

一直都被呢間餐廳吸引 終於去到食！入到門口都已經被驚艷到 氣氛超足之外 佢入面裝修都好靚 用具都好精緻🫣一坐底就會問你想要飲水 定係氣泡水 然後上埋餐包 但佢地啲餐包唔係一般餐包 全部都係薄脆 帶有小辣 好好食～🔖 Keema Pav HKD198佢係碎羊肉配餐包 呢個菜簡直係餐廳招牌！碎羊肉居然一啲都唔羶 入面有多種香料製作 好惹味～ 佢地個餐包真係要讚讚 因為好重牛油味 勁啱我口味 而且佢地真係將個包烤得好香脆 一啖咬落去係清脆的！配上碎羊肉一齊食 真係一個絕配🥹🔖 Chicken tikka Masala HKD268本身上菜個時以為個雞會好乾 食落發現原來唔係 佢雖然外面睇落燒得好乾 但其實佢入面啲雞肉都係嫩的。個好多 一定夠配搭個雞食 而且咖哩味道帶有少少蕃茄味 好特別😆🔖 Masala Tea HKD75第一啖飲落去 開頭覺得好怪 因為有啲香料味 同平時飲開嘅港式奶茶有啲唔同 但飲飲下發現又幾好飲 好嘢都係要慢慢品賞出黎🤣