更多
2023-01-30
683 瀏覽
Amis係法文解作朋友意思, 餐廳老闆覺得日本菜同法國菜相當match, 就好似朋友🤝🏻咁, 兩國食材互相配搭, 互相輝映, 務求將最好嘅味道呈現, 帶比每一位食客, 因此Amis就誕生了! 餐廳門外用上白色簡潔設計, 入面裝潢舒適優雅, 富時尚感, 加上柔和嘅燈光, 幾有情調! 餐廳經理為我地介紹當晚嘅menu, 正所謂不時不食, 餐廳會因應唔同時令食材而有所改動, 令食客食到最美味嘅食材! 當晚車車就同朋友各點左一個9 courses menu嚟試下!✨️麵包籃未上枱已經聞到好香嘅麵包味, 入面有兩款麵包, 每款都各自搭配唔同味道嘅自家製牛油, 麵包款式每隔一段時間都會唔同, 今晚餐廳準備左熱辣辣嘅朱古力酸種麵包🍫🍞同法式長棍麵包🥖, 長棍法包就配上煙燻香草牛油, 入口外脆內軟, 而朱古力酸種麵包入面有有橙乾同薑, 配搭佢地自家製嘅焦糖海鹽牛油, 牛油溶化係麵包上面簡直無得輸! 牛油食起上嚟軟滑帶微甜微咸口感, 車車忍唔住食左兩塊, 真係好好好好食, 好想有得🙈 麵包已經咁高質, 令我地對後面嘅菜式都充滿期待✨️Amuse Bouche前菜擺盤精美, 上面放左三款前菜, 由順時針開始食
餐廳門外用上白色簡潔設計, 入面裝潢舒適優雅, 富時尚感, 加上柔和嘅燈光, 幾有情調! 餐廳經理為我地介紹當晚嘅menu, 正所謂不時不食, 餐廳會因應唔同時令食材而有所改動, 令食客食到最美味嘅食材! 當晚車車就同朋友各點左一個9 courses menu嚟試下!
✨️麵包籃
未上枱已經聞到好香嘅麵包味, 入面有兩款麵包, 每款都各自搭配唔同味道嘅自家製牛油, 麵包款式每隔一段時間都會唔同, 今晚餐廳準備左熱辣辣嘅朱古力酸種麵包🍫🍞同法式長棍麵包🥖, 長棍法包就配上煙燻香草牛油, 入口外脆內軟, 而朱古力酸種麵包入面有有橙乾同薑, 配搭佢地自家製嘅焦糖海鹽牛油, 牛油溶化係麵包上面簡直無得輸! 牛油食起上嚟軟滑帶微甜微咸口感, 車車忍唔住食左兩塊, 真係好好好好食, 好想有得🙈 麵包已經咁高質, 令我地對後面嘅菜式都充滿期待
✨️Amuse Bouche
前菜擺盤精美, 上面放左三款前菜, 由順時針開始食, 第一款係由新鮮嘅淮山配上山葵, 味道清新醒胃! 第二款係一個一口龍蝦撻, 小龍蝦🦞打成橙紅色泡狀, 上面放上炸過嘅櫻花蝦🦐, 味道好豐富, 脆脆地嘅櫻花蝦令口感同層次感增強, 第3款係一個南瓜泡🎃, 入口清甜幼滑富濃濃嘅南瓜味
✨️Seasonal Special
今晚嘅Seasonal Special係嚟自日本嘅油甘魚, 肉厚肥嫩, 魚肉細緻甘甜滑溜, 油花均勻, 入口即溶, 配搭酸汁啫喱同食, 味道鮮爽醒神又開胃
✨️Beef Tataki
日式牛他他使用USDA PRIME BEEF🐂, 上面鋪上閃令令嘅俄羅斯魚子醬, 餐廳建議將牛他他放入用薯仔做嘅脆脆薯卷, 配搭芥末籽一齊食!
牛他他口感滑嫩鬆軟富肉味, 配搭魚子醬令層次感更豐富! Pairing方面, 餐廳安排左包含18種茶葉, 嚟自哥本哈根Copenhagen Sparkling Tea Company嘅SPARKING TEA🥂, 口感清爽, 茶香平衡有序, 同牛他他產生微妙嘅化學作用🧪
✨️ALBA WHITE TRUFFLE PORK RAVIOLI
意大利雲吞🥟入面包住滿滿嘅豬肉🐷, 配上用真牛肝菌製成嘅醬汁, 店員再係上面刨下嚟自意大利嘅頂級ALBA白松露🍄, 白松露香氣撲鼻, 令整道菜錦上添花😍
✨️Pan-fried Kinmedal
金目鯛🐟熟成3日後再香煎至金黃色, 金目鯛魚肉嫩滑, 配上用上金目鯛魚骨製成嘅醬汁, 旁邊仲有檸檬醬可以沾, 令金目鯛魚嘅鮮味更突出😋
✨️Lobster Sole Rice
店員先將熱辣辣嘅龍蝦湯🦞倒入碗中, 泡飯嘅米使用日本北海道夢美人🌾, 飯粒比較飽滿, 軟硬適中, 入面仲有鱈魚柳🐟, 波士頓龍蝦肉🦞同脆脆米通, 最後噴上REMY MARTIN COGNAC嘅白蘭地🥃, 嘩～聞落去同食落去都有淡淡嘅酒香😌, 加上鮮味十足嘅龍蝦湯汁, 口感豐富又惹味☺️
✨️Duo of Beef🐂
E道菜包含左兩個部位嘅牛肉, 一款係燒A4鹿兒島和牛, 另一款係牛面頰肉, 給予食客兩種唔同嘅味覺享受! 牛面頰肉質感軟腍多汁, 且肉味香濃配以多種磨菇做成嘅磨菇汁, 食落相當滋味
日本A4鹿兒島和牛配上由主廚係日本所揀嘅冷凍黑椒汁, 入口油脂甘香, 肉質柔嫩細膩, 牛味濃郁, 旁邊附上一件用黑醋汁所醃漬嘅洋蔥, 可以中和油膩, 清一清味蕾
✨️French Venison🦌
平時比較少食鹿肉, E道法式鹿肉以低温烹調
配上鹿肉汁, 黑蒜醬同黑松露汁, 鹿肉脂肪較少, 入口肉質細嫩, 肉味濃厚, 肉汁豐富, 車車個人覺得唔沾醬都已經好好味
✨️Refreshing🍅🥣
蕃茄清湯熱辣辣, 味道鮮甜帶微酸, refresh一流!
✨️Dessert de Chef
甜品無論係擺盤／甜品本身都做得相當精緻, 每一件都好似一件藝術品咁, 打卡一流! 甜品分別有三款, 第一款係粟子蛋糕🌰🍰配上軟滑嘅北海道牛乳3.7雲呢拿雪糕🍼🍦, 清蛋糕上面鋪滿香甜幼滑嘅栗子蓉, 加埋旁邊嘅開心果碎同crumble,食落口感更豐富, 第二款係一個花花造型🌸嘅最終餅, 上面天撒上玫紅色嘅花瓣碎, 未食已經心人眼😍, 內餡由紅豆, 小蕨餅同自家製奶蓋整成, 相當有心思, 食落脆卜卜, 帶煙韌口感, 甜而不膩, 幾特別! 最後又點少得有日本時令水果🤭, 包括有網紋蜜瓜🍈, 熊本士多啤梨🍓同黑糖柿, 三款都鮮甜多汁, 車車就最中意帶爽脆口感嘅黑糖柿, 為美味嘅晚餐劃上完美嘅句號🥰!
張貼
