影片
更多
2021-12-07
31 瀏覽
九龍城美食多係人都知，自從開通咗屯馬線之後， 半個鐘頭多啲就出到嚟， 對於鍾意美食嘅我黎講， 真的很興奮。上個星期就約咗朋友去九龍城嘅呢一間日式居酒屋《上戶酒場》食飯兼傾計。二話不說梗係嗌番杯啤酒先啦，呢杯Suntory生啤夠曬凍， 爽口又夠Gur。配埋呢一個帶有鹹鮮嘅提魚醬， 送酒一流。先嚟一個前菜《黑松露鵝肝》， 平時嘅鵝肝多數都係配焦糖， 估唔到配合埋味道和香氣都同樣突出嘅黑松露， 唔會互搶風頭之餘，亦令到雙方嘅特色推至極致。 黑色嘅焦糖化黑松露香氣撲鼻， 鵝肝油份十足，味道回甘，入口即溶嘅口感， 綿密細緻， 對於非常喜愛黑松露和鵝肝嘅我來說， 簡直係一大享受。另外一間居酒屋要大大力推薦嘅其中一樣菜色一定係《煙燻系列》， 還以為煙燻嘅菜式一定要喺戶外先食到， 估唔到呢度嘅煙燻菜式亦都用上咗蘋果木碎， 加上特製嘅煙燻鍋， 檸蘋果木嘅香氣燻入各式嘅肉類之中。《煙燻牛舌》， 除咗品嚐到牛舌嘅騷香之外， 同時亦有非常濃郁嘅煙燻香氣， 那一份嘅氣息， 非筆墨所形容， 只能夠說香氣喺口腔徘徊不散， 令人難以忘懷。另外嘅《鐵板原隻龍蝦》， 鮮、甜、爽口。 新鮮嘅龍蝦肉質爽嫩，味道鮮甜， 加少許
上個星期就約咗朋友去九龍城嘅呢一間日式居酒屋《上戶酒場》食飯兼傾計。
二話不說梗係嗌番杯啤酒先啦，呢杯Suntory生啤夠曬凍， 爽口又夠Gur。配埋呢一個帶有鹹鮮嘅提魚醬， 送酒一流。
先嚟一個前菜《黑松露鵝肝》， 平時嘅鵝肝多數都係配焦糖， 估唔到配合埋味道和香氣都同樣突出嘅黑松露， 唔會互搶風頭之餘，亦令到雙方嘅特色推至極致。 黑色嘅焦糖化黑松露香氣撲鼻， 鵝肝油份十足，味道回甘，入口即溶嘅口感， 綿密細緻， 對於非常喜愛黑松露和鵝肝嘅我來說， 簡直係一大享受。
另外一間居酒屋要大大力推薦嘅其中一樣菜色一定係《煙燻系列》， 還以為煙燻嘅菜式一定要喺戶外先食到， 估唔到呢度嘅煙燻菜式亦都用上咗蘋果木碎， 加上特製嘅煙燻鍋， 檸蘋果木嘅香氣燻入各式嘅肉類之中。
《煙燻牛舌》， 除咗品嚐到牛舌嘅騷香之外， 同時亦有非常濃郁嘅煙燻香氣， 那一份嘅氣息， 非筆墨所形容， 只能夠說香氣喺口腔徘徊不散， 令人難以忘懷。
另外嘅《鐵板原隻龍蝦》， 鮮、甜、爽口。 新鮮嘅龍蝦肉質爽嫩，味道鮮甜， 加少許牛油海鹽爆炒，火候剛剛好，不用太過花姿招展， 簡單就能夠食出食材最基本的原味。
《鐵板和牛粒炒飯》，米飯粒粒分明， 飯粒帶點煙韌，和牛嘅油份包裹住每顆米粒， 還加入大量青蔥， 香氣頓時提升， 畫上完美句號。
呢一間居酒屋食物嘅質素相當高， 環境亦坐得舒服，力推！
張貼
