大瀛喜日本料理 (已結業)

旺角大瀛喜午市放題定價係228再加一，可以食三個小時，係比任何一噠地方更加適合同朋友相聚，二至六個人咁上下都好適合，好大間，座位寬敞，可以食得好爽。今次不以刺身打頭陣，而係由一個中式湯開場，同埋中華沙律，螺頭作前菜，跟住再慢慢用QR code 點食物。海膽，鮑魚手卷出場先，細細卷唔使擔心食得太飽而食唔到其他嘢。輪到刺身出場，有三文魚，油甘魚，吞拿魚同埋希靈魚，除咗吞拿魚其他三隻都有encore ，咁當然唔止咁少啦，北寄貝，赤貝，帶子，甜蝦，虎蝦和赤蝦亦係必點，而今日啲赤蝦勁大隻鮮甜彈牙所以encore咗幾次。來呢間次次都食嘅花膠料理及烤有機菠蘿依然好值得嗌，今次發現咗一個“櫻花朱古力碎士多啤梨甜筒”超好味呀，我同朋友都好欣賞。係得咁少嘢，當然唔係啦，仲有好多好多吖......