Greyhound 主打新派泰國菜，今日收工吪屋企附近的分店食飯。有一位泰國人的店員招待，就好似番左泰國一樣。好懷念在旅行的日子。
頭盤小食方面
粒粒蝦餅魚餅 ($98)
一口一粒蝦餅和魚餅，系出邊嘅泰國店都未試過，點上泰式嘅醬汁，零舍開胃。蝦餅魚餅的味道跟普通的冇分別，不過呢個好易食，長輩非常喜歡。
大蝦雞肉米紙卷 ($98)
咪紙卷包住大蝦和雞肉，再配上特製的醬汁，酸酸辣辣的，啱哂夏天食。
可以包埋薄荷葉和生菜一齊食，倍感清新。不過雞肉有少少乾身。
主食
菠蘿海鮮炒飯 ($148) 用一個預熱了的鐵鍋乘着，所以嗰度食都不怕凍。
店員都好溫馨咁提大家要小心個碗好熱，炒飯加了海鮮例如魷魚、大蝦等等，又有菠蘿和提子乾的酸甜作點綴，炒得好香口又乾身，粒粒分明。好喜歡！
1
特級牛肉牛丸湯金邊粉 ($128)牛丸應該是自家製的，食落比出面的細粒和淋身，都彈牙。
而且牛肉用的都不算太肥，有牛味，加上清湯湯底清甜可口，加入金邊粉，份量不太多!
甜品因為長輩怕凍，所以我只揀一份椰子雪芭($38)。
有啖啖椰子肉，冰凍的感覺特別清新。另外有一種好想返返泰國旅行嘅感覺。
