小胖台灣便當 (偉華中心)

營業中

休息中

聽友人講有間台灣便當味道唔錯，今日特登買外賣返屋企試下先。士林鹽酥大雞腿便當雞肶啖啖肉好juicy仲大隻過手掌。外層炸得好香脆但又唔會太油，食落鹽酥味幾香又唔會太咸，幾好味。便當嘅配料都好豐富，有粟米粒、蘿蔔絲、粉絲、木耳等，另外仲有半塊煎蛋添。萬華網炸牛肉便當牛肉咬落唔韌，食落牛肉味濃仲有陣燒香咗嘅芝麻味。梅香脆地瓜地瓜外脆內軟，加埋淋上嘅梅子粉酸酸甜甜好好味。懷念鹽酥雞外層嘅炸粉好薄口感唔錯，味道唔咸啱啱好。芙香蘋果茶聞落有陣清香果茶味，飲落甜甜地蘋果味好出。油切綠茶味道清新好健康，去油膩感一流。