古今二 (荃新天地)

營業中

休息中

去完歐洲返嚟，食咗咁多日意粉，梗係要食返啲日本嘢啦。一講起日本嘢，喺荃灣呢頭就會諗起好特別嘅古今二。一段時間冇嚟，呢度好似多咗啲新菜式喎。首先叫咗個日式麻醬豆腐沙律，真係不得了！有魚子有蟹，好Juicy嘅口感，咬落有唔同大細嘅魚子喺度爆，豆腐好滑，非常好味。之後我哋叫咗個黑龍卷，即係鰻魚牛油果卷，牛油果好新鮮，同鰻魚好夾，好味！之後叫咗個相撲力士，係唔同嘅魚生卷物，上面辣辣地鹹鹹地嘅調味好出色，加埋啲魚生好惹味。我哋仲叫咗兩個串燒試吓，牛油蒜香帆立貝好大粒，最有驚喜係鹿兒島黑豚荔枝卷，食落入邊真係有粒鮮甜嘅荔枝！呢個配搭特別得來又出奇地夾！幾好味。叫咗唔算好多嘢，不過都好飽好滿足。