玄鮨 (已結業)

念念不忘的日本料理自從上次黎過玄鮨食個靚lunch之後，一直都好掛住佢嘅刺身丼，上次食左個吞拿魚蓉海膽魚子丼，今次就推介朋友試下，而我今次就叫個雜錦刺身丼！首先係前菜先，有通心粉沙律，唔會太heavy，份量啱啱好開胃。之前仲有個茶碗蒸同味噌湯，個茶碗蒸水準依然係好，又滑又有內涵。到雜錦刺身丼喇！真係好豐富，就咁望都有成七至八款刺身咁多！而且每款都大大片，又新鮮，我就最喜歡鯛魚，𩶘魚同帶子，完全唔需要醬汁，就係要食佢嘅鮮味，完全唔腥，仲有鮮甜嘅海膽，樣樣都好好食呀！最後飲埋杯香濃嘅咖啡，成個set就完滿喇，玄鮨真係無令人失望呀！