同事提議食台灣菜，個腦即刻諗起觀塘嘅日月堂！仲記得佢哋嘅鹽酥雞外脆內軟非常到位！果然係好suggestion！同埋店員都非常nice會親切提你可自行加減椒鹽同埋安排上甜品時間非常之窩心，感覺真係似去左台灣咁🥰
【炸排骨麵】$52
好中意碗麵嘅麵質，係一種扁身嘅闊條麵，炸排骨份量唔少哦！👍🏻
【起司雞排麵】$55
中意食芝士既你一定要叫呢道起司雞排，香濃芝士味愈食愈滋味！
【炸鹽酥雞】$48
超鍾意佢嘅鹽酥雞！因為外皮嘅酥脆係超正宗嘅鹽酥雞先有嘅感覺，最厲害嘅係佢內裏嘅肉質鮮嫩！每啖肉都非常之滑！
【酥炸魷魚】$48
炸魷魚鬚非常香口，絕對係其中一道唔錯嘅小食！
【黑糖珍珠奶茶】$34
佢哋嘅珍珠奶茶奶味香濃！黑糖嘅味道亦都非常之出！成杯飲落嘅感覺就係好香濃！
【黑糖花生麻糬】$25
而呢一度甜品非常之有驚喜！煙煙韌韌嘅麻糬包住非常之有咬口嘅花生醬，食完之後我呢幾日都一直念念不忘諗諗諗起呢一道甜品！好想再食！
