川品雲南米線

營業中

休息中

米線關注組 好多人講嘅川品米線，大角咀同新蒲崗都有分店。大角咀分店由地舖搬咗入新九龍廣場，環境寬敞左，但lunch時間依然大排長龍。QR code自己落單，落單後25分鐘左右先有米線。小鍋米線包兩餸 $48 餸嘅種類幾多單拼/雙併米線 $49/ $65豬扒/雞扒/豬頸肉/豬軟骨/鯇魚，如果要揀呢幾款餸，價錢會貴啲。可以單併再加$8揀小鍋米線嘅餸。當日揀左👉🏻豬頸肉加韮菜餃米線，酸麻辣湯，加左炸豆。。豬頸肉，一開頭食到好脆，但浸住湯，好快就淋哂，好油膩。韮菜餃，普通質素，餃皮較厚。米線，幾煙韌，唔會太淋或太硬。湯底，唔夠濃味，只感覺到咸味，酸菜都偏咸，整體無酸味。