農耕記 湖南土菜 (黃埔天地)

今日約咗個客係黃埔，呢度都好多美食㗎！睇到美食坊就入去行下，睇到我之前係內地都見過嘅「農耕記」，因為時間尚早仲有位，即刻入去坐低先🤣🤣呢間係內地真係好火爆要等好耐嘅湖南土菜，所以一直都好鍾意食💕💕

睇睇菜單，我點咗個 #招牌蝴蝶魚🐟，朋友就點咗個 #乾鍋酸菜肥腸🐽，2個都係呢間舖嘅名菜，朋友話不如點多個小吃啦，我哋就叫咗個湖南好出名嘅 #擂辣椒皮蛋！3菜真係啱啱好，好欣賞招牌蝴蝶魚，無骨啖啖魚肉，用辣炒方式烹調，好夠香味而且唔腥！另外乾鍋酸菜肥腸超正，辣辣酸酸之餘，啲肥腸又乾淨又大舊，唔係求求其其囉！仲有個擂辣椒皮蛋，湖南湘江皮蛋一向都好出名㗎，擂辣椒配埋茄子一齊，好入味好餸飯😍😍
加埋杯招牌檸檬茶🥤，真係食得好開心，好有湖南特別風味呀！如果經過黃埔都可以去食㗎！

招牌蝴蝶魚

$128

乾鍋酸菜肥腸

$128

擂辣椒皮蛋

$69

1