北口韓國地道小食 (已結業)

一向自己都鐘意食韓國野，去尖沙咀做完project順便黎韓國街覓食，食個下午茶抖抖，見到呢間野D野食幾吸引又平就入左去，廚房有兩個韓國人用韓文同我地打招呼，應該係老闆黎。睇到個menu樣樣都好想食，最後同朋友叫左飯團，年糕串，雞肉串，熱狗串同甜辣雞球。總括而言，甜辣雞球我覺得偏向左甜個邊，食唔到有辣ge感覺，但D汁真係好好味仲有年糕串外層係脆卜卜，唔同平時食開ge炒年糕個種口感，好好食，不過要趁熱食先可以食到佢脆卜卜個種感覺。仲有朋友叫左提子汁同米水黎飲，都話好正，提子汁入面仲要有一粒粒提子肉，搞到我後悔叫左可樂黎飲。臨走老闆都禮貌地用韓文跟我們說多謝，下次黎一定要再試下佢其他ge野食！