影片
更多
2018-08-07
276 瀏覽
今日同朋友黎到位於旺角既四季文昌打邊爐，環境一流，座位寬闊，有大量卡位，坐得舒適。原味椰子文昌雞鍋(半隻)先將椰子水煮沸，加入海南文昌雞，以慢火煮7分鐘就可以開餐。一開蓋就傳黎陣陣椰子清香，第一時間當然要試左個湯先！椰子味香濃，清甜可口，好好飲。雞湯通常會比較油膩，但可能係因為文昌雞既緣故，油份唔算重，肉質嫩滑口感佳，兼有椰子既清香。不得不提既係佢秘制醬汁！最左邊既醬汁好適合蘸牛肉，中間個個似南雞醬，酸酸辣辣。而我最愛最右邊既豉油，加入青檸，青金桔同辣椒後，味道偏酸帶微辣，超級開胃，令雞件味道提升至更高既層次。竹笙墨魚卷，好有創意既配搭。竹笙爽口，包裹住彈牙既墨魚滑，墨魚味香濃。紫菜響鈴上枱時熱辣辣，口感脆卜卜，油份唔會好重。記得要趁熱食，放涼左就冇咁好食。就咁啪落口食都得，好似食緊零食咁。四季牛肉拼盤包括手切安格斯牛頸脊、A4和牛肉眼、黑安格斯牛小排、牛舌粒、牛舌長切、牛柳粒，牛魔王必點。牛味擺設好有心思，而且色澤都幾靚，牛味十足。一個拼盤可以一次過試曬咁多款牛，好滿足。非常精緻既日本直送野菜籃，如果有埋娃娃菜就完美。 推薦👍🏻臘味芋頭煲仔飯，我真係好耐未試過咁有質素既煲仔飯，一打開
原味椰子文昌雞鍋(半隻)
先將椰子水煮沸，加入海南文昌雞，以慢火煮7分鐘就可以開餐。一開蓋就傳黎陣陣椰子清香，第一時間當然要試左個湯先！椰子味香濃，清甜可口，好好飲。雞湯通常會比較油膩，但可能係因為文昌雞既緣故，油份唔算重，肉質嫩滑口感佳，兼有椰子既清香。
不得不提既係佢秘制醬汁！最左邊既醬汁好適合蘸牛肉，中間個個似南雞醬，酸酸辣辣。而我最愛最右邊既豉油，加入青檸，青金桔同辣椒後，味道偏酸帶微辣，超級開胃，令雞件味道提升至更高既層次。
竹笙墨魚卷，好有創意既配搭。竹笙爽口，包裹住彈牙既墨魚滑，墨魚味香濃。
紫菜響鈴上枱時熱辣辣，口感脆卜卜，油份唔會好重。記得要趁熱食，放涼左就冇咁好食。就咁啪落口食都得，好似食緊零食咁。
四季牛肉拼盤包括手切安格斯牛頸脊、A4和牛肉眼、黑安格斯牛小排、牛舌粒、牛舌長切、牛柳粒，牛魔王必點。牛味擺設好有心思，而且色澤都幾靚，牛味十足。一個拼盤可以一次過試曬咁多款牛，好滿足。
非常精緻既日本直送野菜籃，如果有埋娃娃菜就完美。
推薦👍🏻臘味芋頭煲仔飯，我真係好耐未試過咁有質素既煲仔飯，一打開蓋香氣撲鼻，每一口都係幸福既感覺😋打邊爐X臘味芋頭煲仔飯，呢配搭好新鮮。臘味惹味兼份量慷慨，米飯粒粒分明，夠油潤，煲仔飯有焦香。我會用完美黎形容呢個煲仔飯😍
海南西瓜汁，原個西瓜盛載住新鮮香甜既西瓜汁，西瓜蓋仲有果肉，好滿足。
椰青沙冰，有啲似珍多冰，凍冰冰，消暑解渴。
超級滿足既一餐😋😋😋😋😋
張貼
