Pancake House HoiHoi (Megabox) (已結業)

仲未有得去日本旅行，唯有食住pancake頂下癮先。呢間響MegaBox嘅pancake店係日本過江龍，喺名古屋相當出名。🥞🥞原味pancake食過唔少次，今次叫咗個期間限定「三重蜜瓜梳乎厘班戟」，由於另一半表示想食少少鹹點，另外點咗一個all day breakfast俾佢。🍈🍈三重蜜瓜梳乎厘班戟（$128）- 賣相已經好靚，好吸晴。外面有層好香嘅蜜瓜味cream，而切開見到入面有士多啤梨果肉，加埋雲呢拿籽吉士醬。唔會太甜太creamy, 好香好好味。🍳🍳Veggie All day breakfast ($158)- 雖然係素，但十分豐富，有素豬柳、素蟹餅、黑松露炒蛋、蕃茄、蘑菇、茄汁豆等等，overall味道唔錯，尤其係個黑松露炒蛋同埋蟹餅好香口。放假食個all day breakfast，感覺特別正。🌿🌿餐廳環境都舒服好坐，悠悠閒嘆個下午茶真係幾好feel，食完當去咗轉日本🇯🇵🇯🇵。