樂天經典 (已結業)

同男朋友連續幾日食咗好多熱氣嘢同生冷嘢 今日心血來潮想食返餐健康又暖笠笠嘅中菜 樂天經典坐位舒適寬敞 最好嘅係 大多嘅菜式都可以揀大中小份量 啱曬人數少但又想試多d嘢食！白胡椒排骨豬肚湯湯最緊要熱辣辣 店員原小煲咁樣呈上 仲細心咁為我哋分湯 胡椒湯夠曬味之餘又唔嗆喉 豬肚洗得乾淨無臭味 排骨煲到肉超淋！好飲冰鎮苦瓜一片片薄切嘅苦瓜擺盤擺得相當精緻 男朋友好怕食苦瓜 但我將苦瓜點咗d配送嘅桂花蜂蜜俾佢食 佢大讚口感爽口得黎仲冇咗個苦澀味 👍🏻沙拉排骨排骨炸到金香脆口 拌上芥末沙拉醬 賣相不錯之餘仲酸酸地幾開胃 砂煲黃酒雞未放入口已經聞到好香嘅酒味 雞件外表澄黃油亮，雞香清醇 香而不膩 雞肉爽滑鮮嫩 有酒香之餘亦都唔會將雞味蓋過~