餐廳嘅空間唔算好大，但係裝修有花過心思，田園森林風～坐落都好舒服，唔會好侷促！
先來一客食泰國菜必點嘅冬陰功湯！份量超足，滿滿既大蝦底下仲有海量菇菇同車厘茄！蝦肉好鮮甜，冬陰公湯味道係酸辣偏酸，好開胃！
大蝦炒金邊粉，炒得好入味好香口，唔會油膩！發揮正常！
沙嗲串燒雙拼，雞肉好嫩滑，豬肉有少少厚但唔會好韌。加埋絕配既沙嗲醬超惹味！甜甜又帶啲花生香！
最後係必推既芒果百香果沙冰～兩種水果既味道好夾！芒果香甜、百香果酸微微！解暑之餘又刺激到味蕾！正！佢地既特飲同沙冰都幾有特色，好少喺其他泰國餐廳見到！絕對值得一試！
環境、食物、服務都好滿意既一餐，下次黎荃灣食泰國菜既不二之選！
