露台餐廳

營業中

休息中

半島酒店，傳統的豪華無需花巧，無需排山倒海的款式，靠的是精緻。取餐區非常集中，款式唔多。呢度無剪刀，因為龍蝦同蟹已經拆好肉，呢個係半島服務的detail位。海鮮款式唔使好多，新鮮已經勝過一切，龍蝦及蟹肉非常彈牙，俾個like。熱盤不過不失，我會推介個迷你漢堡，件手打牛肉好香好juicy。餐湯有兩款，今日係清牛肉湯同忌廉湯。清牛肉湯堅係清，黃金的顏色，非常好意頭，無渣，清到見到個煲底，唔使好濃味，啖啖香，飲完唔會濟。忌廉湯非常creamy，飲完會好濟。甜品又係我既最愛，今次食多左手工朱古力同馬卡龍，半島餅房出品，質素保證。蛋糕靚就靚啦，不過今次個肚無位放，只有淺嘗。