173
29
13
港鐵尖沙咀/尖東站 E/ L3 出口 繼續閱讀
所有分店 (2)
電話號碼
26966766
開飯介紹
露台餐廳寬敞的空間及精緻裝潢營造親切氣氛,提供自助餐,適合舉行不同形式的聚會或活動。早餐供應一系列Naturally Peninsula健康美食,午餐及晚餐更包括多個現場烹調菜式的美食亭,高級海鮮、亞洲風味美食、時令沙拉及精美甜點等。 露台咖啡廳佈置有如優雅的客廳,供應咖啡紅茶及精美自製糕點,氣氛寫意。 繼續閱讀
獎項殊榮
最優秀服務開飯熱店 (2015)
特色
浪漫情調
慶祝紀念日
附加資料
"著裝要求:優雅休閒。敬請避免穿著運動服(包括背心及運動褲)和沙灘服飾(包括人字拖、涼鞋及塑膠鞋)進入餐廳用餐。晚上6:00後男士須穿著長褲。 露台餐廳自助早餐時段現時暫停服務,直至另行通知。"
營業時間
今日營業
07:00 - 10:00
12:00 - 14:30
18:00 - 22:00
星期一至日
07:00 - 10:00
12:00 - 14:30
18:00 - 22:00
付款方式
Visa Master 現金 AE
座位數目
86
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
VIP房
泊車 詳細介紹
電話訂座
賞訂座積分
加一服務費
招牌菜
扒三文魚柳配法國苦白菜及甜薯伴橙味蜜糖汁 香煎白鱈魚配甘筍班戟伴杏仁及檸檬牛油汁 香煎美國牛柳配黑松露菌薯蓉及田園時蔬伴砵酒汁 蘇格蘭橡木煙三文魚
食評 (232)
等級4 2021-05-13
4138 瀏覽
上個星期和先生到位於尖沙咀半島酒店的露台餐廳食自助餐—————————價錢成人每位ᴴᴷ$878—————————用餐時間6:00pm-9:00pm—————————餐廳環境餐廳設計優雅有格調 色調柔和舒適 樓底夠高 空間感十足 食物集中擺放在一進門口的中央位置 琳琅滿目 目不暇給 餐桌向兩邊延伸 我們被安排在其中一邊的靠窗座位 檯與檯之間相隔足夠的距離 私隱度高 也有足夠社交距離😂 望住過百年歷史的半島酒店房景和遠處的太空館半圓建築進餐 有一種悠言自得的寫意感 —————————食物種類老實講 食物種類比起其他5 星級酒店既自助餐都來得少 不過貴精不貴多 性價比不錯-小提示:如果你係生蠔🦪狂熱份子這裡滿足不了你 如果你是想食很多不同食材的自助餐 這裡也不是最好選擇—————————凍海鮮龍蝦🦞 磯燒鮑魚 帶子 青口 蝦🦐 長腳蟹腳 蟹鉗 螺 最有驚喜一定是鮑魚 第一Size適中 一口一隻 肉質不會太韌但又嚼口 味道甜甜的好入味 😍 👍🏻然後龍蝦肉質一梭梭都算新鮮 🥰 帶子大粒 又食一啖一粒好有滿足感喔☺️ 另外 酒店有個好貼心的服務 就是所有蝦和蟹都已經剝好殼 真是懶人恩物 ❤️ 青口都算大隻 入口夠嫩 不會韌 蝦就正正常常 蟹腳和蟹鉗就比較一般 只有重重的死鹹 不吃也罷 留肚食其他—————————刺身壽司🍣通常食buffet都不會食壽司 至於刺身 這裡約有6-7款buffet常見的 我一向不太是生食唔好者 所以今次只食了帶子和吞拿魚 前者味道鮮甜juicy 所以默默食了幾粒 ☺️☺️ 後者則普普通通 有少少筋 先生說其他刺身不過不失 —————————熱食種類真不多 講一下我試過的 -由廚師即場切割的有兩款肉類 牛肉裡面是耀眼的粉紅色 熟度剛剛好 好juicy無筋 可惜的是那一塊份量真少得可憐🥺 其實可以大塊少少 一啖落肚沒有甚麼滿足感啦 另一塊肉好鞋 不值一提-香煎銀雪魚🐟味道不錯 雖然清淡一點 但肉質嫩滑 所以encore了一次-熟龍蝦比凍的多了調味 味道更佳-日式叉燒拉麵🍜是先生食 說味道不錯 不過我就沒有浪費位置給它啦🤣-每人都有一款小食 每日都有機會不同 今次這個應該是八爪魚多士 不覺得有何特別 🥲 —————————甜品水果甜品種類大概十多款 味道整體都不錯 尤其喜歡朱古力慕絲蛋糕 香濃的朱古力和細滑的口感 大愛❤️❤️ 另外西柚馬卡龍口感夠脆 有淡淡西柚味 但重點是不會過甜 藍莓🫐芝士蛋糕混合著藍莓的香甜和芝士的香濃 質地厚實 好好味 😋 水果有大約6款 作為飯後果選擇都不錯 最愛西瓜🍉 解暑解膩一流另每人有一客半島酒店有名的橙味soufflé 三個字:空氣感 有橙子🍊味 —————————最後 每人都有一杯餐飲 我已經很飽 所以order了熱檸蜜 蜜糖是分開一小瓶 先生就order了peach tea 一倒出來桃味四溢 🍑 好香 不過香味只停留在鼻子裡 飲下一啖只有茶澀味🤣🤣 不過都挺relaxing 而且餐飲是用銀器茶具和瓷杯 感覺挺優雅 ☕️ —————————信用卡優惠 用visa signature或infinite就有九折優惠 相對於減去加一 每人八百多 性價比算不錯 如果有特別節日要慶祝不妨考慮一下這裡喔 繼續閱讀
(以上食評乃用戶個人意見 , 並不代表OpenRice之觀點。)
等級3 2021-06-14
0 瀏覽
曾經食過半島的下午茶感到大失所望,比多次機會佢,試埋個好出名既自助晚餐,估唔到又挽回番唔少分數🤗雖然事前都睇過其他youtuber介紹,稱食物種類方面的選擇較少,但我食既時候反而覺得都算多!其實冷盤每樣試少少都已經飽左一半,臨尾食埋甜品,個肚簡直飽到要爆開咁濟💢個人黎講都幾滿意!/🦞海鮮類有磯煮鮑魚、熟帶子、青口、螺、長腳蟹及龍蝦。值得一讚是長腳蟹及蝦肉已去殼,非常體貼!而大部份海鮮都算新鮮,肉質爽,不過鮮甜度較弱,以龍蝦最為鮮明。至於磯煮鮑魚不愧為招牌之一,清洗乾淨,軟腍入味,帶日本醬油的香甜👍🏻我食左三隻lol/🍣刺身及壽司類有三文魚,吞拿魚、油甘魚、帶子、甜蝦和馬刀貝,種類繁多,比一般放題更多選擇😆質素合格。平時自助餐我都唔會食壽司黎佔據肚子的空間,不過佢啲壽司好精緻,所以都試左火炙三文魚壽司、香芒甜蝦壽司和魚蓉壽司。當中香芒甜蝦更為出色,甜甜的芒果與鮮甜蝦肉很夾,食完一件我仲encore左多一件添呀!/🥗西式冷盤西式冷盤除了有沙律,還有法包等,不過肚子空間有限,我只係試左香芒米紙卷、parma ham配蜜瓜、煙三文魚、煙鯖魚、魔鬼蛋配吞拿魚牛油果醬、三文魚肉醬配忌廉芝士及三文魚籽和海鮮沙律杯。大部分都好好味呀😋我好中意食芝士,所以特別中意三文魚肉醬忌廉芝士,總共食左兩杯✌🏻/🥩扒類忘記了燒牛肉是肉眼還是什麼部位,不過味道都唔錯既,牛味濃郁,皮邊位有脂肪,少筋👌🏻仲有個好似係鴨既物體,但太飽冇食到🙇🏻‍♀️/🥘小菜類熟食都好多選擇,有台式肉燥麵、咖哩雞、青咖喱海鮮配印度薄餅/白飯等。不過,我只係試左蒜蓉粉絲蒸帶子和龍蝦,個人認為較為失色🥺尤其龍蝦好咸喔!反而韓式牛肋肉較為出色,醬汁入味,香甜且肉質軟熟👍🏻好味道!/🫕湯類是日餐湯為中式海鮮清湯和西式芥蘭頭忌廉湯。個人認為中式湯就唔洗試喇☺️反而忌廉湯好濃好creamy,好好飲,飲左一大碗~fat fat🙈/🍰甜品類一年前食過下午茶既我,對半島既甜品感到失望,但估唔到今次啲蛋糕呀、朱古力都好好食!忍唔到口食完又食🐷個人encore系列:藍莓芝士蛋糕、木糠布甸、半島手工朱古力和朱古力夏威夷果仁撻❤️戚風蛋糕和馬德蓮蛋糕就偏乾🥲是日甜品為士多啤梨梳乎厘,超軟綿綿好似食緊棉花糖咁,又有士多啤梨既香甜,唔錯唔錯!/除此之外,甜品區仲有雪糕吧和生果,不過實在無能為力,就幫唔倒大家試味喇🙇🏻‍♀️/整體來講,我都覺得味道比預期好,食物種類對我來說都算多元化!唔知係咪半島都有參考網上既意見,不斷改進,食物種類都冇咁重複!/價錢方面,每位$878+10%,Visa signature有九折優惠。由於老公叫左個果汁、mocktail及汽水任飲package,就額外再加$148,佢話啲果汁鮮榨好好飲呀!仲話第一次覺得自助餐好食咋,之前食過好幾間佢都話自助餐等個「多」字,冇咩質素喎😲/環境方面,我地坐既位置都算私隱度高,冇人坐附近,舒服又安心👍🏻員工服務更加💯分,服務生們全都親切有善,細心主動咁幫我地收碟,話等我影相影得靚啲☺️仲要當晚發生小意外,員工解難既效率也十分迅速,非常抵讚🥳絕對有下次,也很推介大家生日/節日大時大節享受一下❣️ 繼續閱讀
(以上食評乃用戶個人意見 , 並不代表OpenRice之觀點。)
等級1 2021-06-12
0 瀏覽
800+港幣一位自助餐,另選了148港幣軟飲暢飲,加10%服務費,買單時人均約1150港幣上下。吃的是自助晚餐,18:00-22:00四小時任食總體評價:食物種類很少,沒有生蠔沒有鵝肝,但服務和環境極好,性價比見仁見智推薦:鮑魚、凍龍蝦,且補貨好及時不推薦:燒牛肉沒有肉味,麻麻地。羊排好乾,唔好食。每座會送一道熱食+每人一個舒芙蕾。當天熱食是炒蛤蜊。服務非常好,侍應會時不時地主動詢問是否加飲料及收盤。桌子亦排得分散,私密性高,不像普通自助餐廳桌台擺很密,很舒服~ 繼續閱讀
(以上食評乃用戶個人意見 , 並不代表OpenRice之觀點。)
有次睇YouTube見到介紹半島酒店嘅露台餐廳食自助餐,覺得好吸引,就問下高級飲食buddy試唔試下,佢二話不說就話OK,咁就book咗去試下佢嘅dinner buffet!佢buffet嘅時間相當長,由6點食到10點,食足4個鐘,可以慢慢食。當日我就6點去到餐廳,service一貫半島嘅質素,有個專人好親切咁帶你去個座位度,當晚我就坐咗係buffet位隔3張枱嘅位置,對住個太空館。咁講返食物啦,刺身方面佢係一盤切好晒放喺度,入邊有三文魚、吞拿魚、甜蝦、帶子之類嘅刺身,我就試咗吞拿魚、甜蝦、帶子,正常水平啦!到凍海鮮啦,佢就有熟帶子,開咗邊嘅皇帝蟹,蟹鉗,藍青口,加拿大龍蝦,同埋磯煮鮑魚等等,佢最好食係加拿大龍蝦同埋磯煮鮑魚!雖然個龍蝦有d黐殼,但就勁新鮮,個磯煮鮑魚勁好味,我同我朋友一人食咗8隻!到熟食啦,佢絕不hea你,有蒸扇貝,香草焗龍蝦,話梅骨,香芒大蝦,佢個蒸扇貝同香草焗龍蝦都好好食,我就食咗成4轉!切肉方面就有燒牛肉同埋羊架,燒牛肉好有牛味,羊架都好嫩,好味!甜品方面選擇都有好多,佢除咗有位上嘅疏乎厘之外(個疏乎厘勁好食!好滑!),仲有玫瑰茶拿破崙,榛子朱古力撻,士多啤梨蛋糕,呢幾樣都係好好食!埋單雖然每位要$966,但我覺得點都要試一次! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-05-16
2164 瀏覽
半島酒店,傳統的豪華無需花巧,無需排山倒海的款式,靠的是精緻。取餐區非常集中,款式唔多。呢度無剪刀,因為龍蝦同蟹已經拆好肉,呢個係半島服務的detail位。海鮮款式唔使好多,新鮮已經勝過一切,龍蝦及蟹肉非常彈牙,俾個like。熱盤不過不失,我會推介個迷你漢堡,件手打牛肉好香好juicy。餐湯有兩款,今日係清牛肉湯同忌廉湯。清牛肉湯堅係清,黃金的顏色,非常好意頭,無渣,清到見到個煲底,唔使好濃味,啖啖香,飲完唔會濟。忌廉湯非常creamy,飲完會好濟。甜品又係我既最愛,今次食多左手工朱古力同馬卡龍,半島餅房出品,質素保證。蛋糕靚就靚啦,不過今次個肚無位放,只有淺嘗。 繼續閱讀
(以上食評乃用戶個人意見 , 並不代表OpenRice之觀點。)