影片
更多
2018-08-23
1458 瀏覽
收工又要鼠落去銅鑼灣買嘢，變相又要喺呢區開餐！一如既往，要上網做下功課先，咁食嘢就唔會伏啦！由於我係要去Time square 買嘢，為咗方便，都係揀番附近嘅舖頭食嘢！今次就揀咗食日式拉麵 - 蔦！位置係Time square後面嘅 V Point 地面....一去度門口好光猛，店面好新淨，衛生當然唔會怕！入到去，我同朋友各叫咗一碗拉麵，由於當日公司有散水餅食，我要嗰碗拉麵就係細碗，朋友比較大食，當然要叫最大碗，又多餸嗰款啦！我自己本身唔多好拉麵，但就好鐘意飲拉麵嘅湯底，所以我就叫咗醬油味玉拉麵，包括有叉燒一片，流心蛋（味玉蛋），日本葱，筍乾，最重要嘅係松露醬！今次呢位朋友就點咗味噌味玉叉燒拉麵，佢嘅份量俾我嗰碗多三塊叉燒，價錢就貴少少$169/碗，都可以接受！話哂呢間係米芝連級，算抵食！喺等嘅期間，留意下周邊嘅環境，店員係會喺你面前煮拉麵，成個製作過程唔怕唔衛生，全部都開放俾客人睇，就係有呢個服務，所以樓面係比較少位，有機會要等位，但個人覺得係值得嘅！隔咗無幾耐，我同朋友嗰碗拉麵就嚟到！一上枱，我嗰碗好大松露味，好香，忍唔住要即刻試！湯底真係好濃，但一啲都唔油，唔會好肥膩！拉麵口感唔
由於我係要去Time square 買嘢，為咗方便，都係揀番附近嘅舖頭食嘢！今次就揀咗食日式拉麵 - 蔦！位置係Time square後面嘅 V Point 地面....
一去度門口好光猛，店面好新淨，衛生當然唔會怕！入到去，我同朋友各叫咗一碗拉麵，由於當日公司有散水餅食，我要嗰碗拉麵就係細碗，朋友比較大食，當然要叫最大碗，又多餸嗰款啦！
我自己本身唔多好拉麵，但就好鐘意飲拉麵嘅湯底，所以我就叫咗醬油味玉拉麵，包括有叉燒一片，流心蛋（味玉蛋），日本葱，筍乾，最重要嘅係松露醬！今次呢位朋友就點咗味噌味玉叉燒拉麵，佢嘅份量俾我嗰碗多三塊叉燒，價錢就貴少少$169/碗，都可以接受！話哂呢間係米芝連級，算抵食！
喺等嘅期間，留意下周邊嘅環境，店員係會喺你面前煮拉麵，成個製作過程唔怕唔衛生，全部都開放俾客人睇，就係有呢個服務，所以樓面係比較少位，有機會要等位，但個人覺得係值得嘅！
隔咗無幾耐，我同朋友嗰碗拉麵就嚟到！一上枱，我嗰碗好大松露味，好香，忍唔住要即刻試！湯底真係好濃，但一啲都唔油，唔會好肥膩！拉麵口感唔錯，唔會煮到太淋，而且都幾幼身，易入口！叉燒我點嗰碗得一塊然後再追加咗一塊，因為怕四塊會好飽，但食完之有少少後悔，因為佢地將叉燒切得好薄，所以啲湯入哂味，好正！至於朋友嗰碗，由於其他配料係一樣，所以我只係試咗幾啖湯底，估唔到咁濃味，比我嗰碗更香更濃，試頭一啖已經好濃味，我好想飲多幾啖，但唔係幾多意思飲太多朋友嗰碗，所以我決定下次再去銅鑼灣，會自己叫一碗食！
張貼
