森美餐廳

營業中

休息中

森美絶對係西環人既集體回憶。 當年冇地鐵，坐巴士見到佢牛牛招牌，就代表終於返到西營盤。第一代人刻苦創業，努力學英文酒店學廚後，自創出招牌森美汁牛扒。 以當年香港嚟講，呢度算正式高級餐廳。第二代接手，艱苦守業，但就欠缺第一代創業者嘅魅力。 加上時移世易，香港人有錢左見識多左，就覺得豉油西餐唔係正宗西餐，食材都唔係最高級。偶爾都會返嚟食下野，但每一次都有啲唔知佢仲可以做幾耐嘅感覺。 確實單以食評而論，真係好難畀到啲咩分。 不過，站在守護一代人嘅回憶嚟講，希望佢可以支持到落去。