影片
更多
2007-04-18
35 瀏覽
今日路經文華，魔鬼又再慫恿我買返件小點呢！(像玩大富翁一樣路經"機會"有得抽咭仔^^)又再案件重演...繼n 個食評前我d 食評係冇相~ 理由曾經喺我profile 寫話因為我未起筷已經一個二個叉晒埋去！咁依家我都變咗，賣相靚的話點都要將美好的一刻留住好讓我日後細味回憶~ 可惜今日我兩件甜品就難逃厄運了。嗚嗚嗚...未影就俾人切走咗喇！講蛋糕~ 今日被選中的佳麗就係開心果白朱古力蛋糕同芝士蛋糕。前者覺得唔掂！首先呢件餅俾我感覺係行西餅路線~ 即海綿feel 搭cream 嗰種！呢款我不懂欣賞的理由：冇開心果味冇白朱古力味，反而食的期間不斷滲出杏仁味！邊食邊曾經一度懷疑係咪自己買錯cake 搞到錯覺食唔到有開心果味。直至壓軸出場的主角就幫咗我將呢個疑團解開~ 就係食完件蛋糕牙縫隙住咗一小粒開心果咁我咪知囉！(sorry…原諒我講得咁噁心。)咁但係開心果真係細粒到像白芝麻size 一樣嘛！食的過程我真係咬唔到有開心果喎！至少我食有nuts 的雪糕都要忙於邊食邊咬先啦！至於白朱古力喎！唔提也罷。全程唔多覺眼甚至食咗唔覺~ -__- (冇理由早幾日食評杯chocolixir 食到我味覺失靈啩！
又再案件重演...繼n 個食評前我d 食評係冇相~ 理由曾經喺我profile 寫話因為我未起筷已經一個二個叉晒埋去！咁依家我都變咗，賣相靚的話點都要將美好的一刻留住好讓我日後細味回憶~ 可惜今日我兩件甜品就難逃厄運了。嗚嗚嗚...未影就俾人切走咗喇！
講蛋糕~
今日被選中的佳麗就係開心果白朱古力蛋糕同芝士蛋糕。
前者覺得唔掂！首先呢件餅俾我感覺係行西餅路線~ 即海綿feel 搭cream 嗰種！
呢款我不懂欣賞的理由：冇開心果味冇白朱古力味，反而食的期間不斷滲出杏仁味！邊食邊曾經一度懷疑係咪自己買錯cake 搞到錯覺食唔到有開心果味。直至壓軸出場的主角就幫咗我將呢個疑團解開~ 就係食完件蛋糕牙縫隙住咗一小粒開心果咁我咪知囉！(sorry…原諒我講得咁噁心。)
咁但係開心果真係細粒到像白芝麻size 一樣嘛！食的過程我真係咬唔到有開心果喎！至少我食有nuts 的雪糕都要忙於邊食邊咬先啦！至於白朱古力喎！唔提也罷。全程唔多覺眼甚至食咗唔覺~ -__- (冇理由早幾日食評杯chocolixir 食到我味覺失靈啩！？)
咁第二件都合格的。呢件我俾70分啦！呢件係重量級芝士味加重量級芝士口感~ 愛芝士的我算係開心的。芝士滑得入口融化像雪糕~ 因為全件cake 的賣點、令人矚目的由頭至尾通通都係芝士。
但對於不切實際、愛幻想的天秤座嘅我嚟講，飲食本身都要講靈魂。由頭到尾都係得主角一個唱獨腳戲係叫行貨，亦算係濫情。所以有得揀~ 我真係寧願食cova 的藍苺芝士餅多於今日呢件芝士蛋糕。雖然今日呢件蛋糕整個口腔充斥著芝士味，但容許我犯賤咁講：多得令人麻木。
雖然還有數之不盡的餅店嘅皇牌貨我仲未試晒，但今日買嗰兩款開唔正我嗰瓣囉！
印證係咪出名就一定好呢！？
但至少食後感我會將佢列入"松記"類的食肆。
同我profile 講的意思一樣~ 名氣只可以作為參考指標之一。但全情投入名氣當中就不必了。
雖然我搵松記嚟比好似貶低咗呢度~ 話晒價錢爭咁遠！但問題係我從來唔覺得松記值得我讚到天上有地下無，因為只係將水果、椰汁、糖水等等撈埋一注冇技巧可言的甜品。同樣地今次我用六十蚊買兩件迷你包裝"釘蒲"咁上下大的cake 嚟食真係似乎係奢侈咗少少~ 如果係好食的話，我會甘願俾錢。但慶幸今次唔係從名氣出發抱住好大期望…不然我肯定失望死啦！
今次唔會劣評只俾ok 因為甜品係唔會難食，在我眼中只有值同唔值、我受落定唔受落…
成為我眼中的誇啦啦甜品~ 我會用"當造"、係咪要用心思、技巧嚟烹調而成至會成功嘅準則嚟評審，準則適用的例子有榴槤班戟或心太軟。
我同大件夾抵食嗰 d 啱 feel 係要睇緣份，因為我係偏向鍾意貴精不貴多~ 只要深刻就可以了。但今次經驗不足以談得上深刻同物有所值。
張貼
