俺流塩らーめん (東港城)

營業中

休息中

去完海洋公園，就去左坑口一田行街買野。買完野仔仔見到拉麵又話要食下午茶拉麵好飽囉，邊係下午茶姐。不過仔仔想食，咪食囉。仔仔叫左一個乜都有D既拉麵，唔記得叫乜名囉，成90蚊一碗的。而我同婆婆因為根本唔肚餓，就叫左個柚子拉麵2份食啦。仔仔叫的，係幾大碗咁，有蛋，有叉燒，有炸雞咁。仔真係一個人食晒。佢話好好味喎，重問我同婆婆好唔好食。我同婆婆2份的柚子蛋拉麵，都幾香柚子味。蛋呢，個圖係有切開架，點知係原隻上。搞到我自己用筷子夾開佢有少少流晒D黃出黎講真，我同婆婆都唔覺得有乜咁特別，但之前黎過幾次，行過都有排長龍。重以為係出名好食？所以仔仔話試就試下啦。點知，完全冇特別。