泉章居 (已結業)

星期六同幾個波友來吃飯，在非典型肺炎的影響下，雖然人已較平日少，但仍要等位，可見經濟抵食的老字號始終有市場。招牌的鹽焗雞當然有叫，有雞味而鹼味恰可，仍有水準，點埋沙薑粉半隻話咁快食完。梅菜扣肉一向是梅菜受歡迎過扣肉，皆因甜甜地的梅菜滲入豬油，故又香又好送飯，亦沒有芋頭扣肉咁「漏」。這裡的元蹄重獻汁，元蹄炆得「林」，先吃肥肉再吃廋的。檸檬鴨是青瓜加鴨件相間，再淋上酸甜汁都幾好味。再加多個菜，位位唔使八十蚊，都唔算太貴。坦白講，食左咁多年都知，呢度菜色不算很精緻，地方亦不是很舒適，始終仲有果種舊式酒家feel。但吃傳統客家菜，印象中除了已結業的醉瓊樓外，就只有呢度。