羅富記粥麵專家 (已結業)

要開OT，八點幾來到。十年如一日我只會叫兩樣野，薑蔥撈麵和炸鯪魚球(都係18蚊)。因我對用疏打粉喇過的東西無興趣，所以不會叫粥，雲吞麵又有太多其他選擇，所以叫來叫去都係呢兩樣。薑和蔥都稍為用滾水灼過，如果蔥可生一點就更佳，但又唔係人人頂得住陣青味。值得一題就係呢個麵幾油，因為油唔夠多麵就會乾和一餅餅。係人都知炸鯪魚球的主角是碟蜆蚧而不是炸鯪魚球，這裡的蜆蚧夠鮮和辣，好鬼正。另這裡的水餃亦很好吃，下次可以一試。