何洪記

營業中

休息中

食雲吞麵，在我的眼中，來來去去嗰幾間，麥字頭、永華，同埋何洪記，等等。唯一獲米芝蓮青睞的何洪記，以往在霎東街時，當筆者要獨自搵食，偶爾也會光顧。反而，遷到希慎後，我是從沒有訪過。有次想吃，見門外的人龍，多過排隊搭天星小輪睇美人魚的，唯有改了去別處吃。是晚，終於找到時機，六點鐘便到埗，當時人客應該不會太多，我諗唔係太多人唔使做架啫！都話我份人巧奇怪，來到，卻不想吃細蓉，竟選了炸雲吞，你真係估我唔到架。一碟十粒。小小的一粒，炸得鬆脆，沒有死硬，沾上酸酸甜甜的汁醬，好精彩，要獨自清掉一碟，無難度。愛重口味的筆者，又選了XO醬煎腸粉。煎得香口，香辣兼備，朋友同我都話掂！友人想試蝦籽柚皮，想不到後生細女竟會欣賞這功夫菜色，我梗係奉陪。蝦籽雖不算澎拜，但柚皮口感好，沒半點苦澀味，處理得妥當。即使來到雲吞麵專門店，也須來些甜點，否則我的甜胃，會找我晦氣的。只來份鬆軟的馬拉炎糕，已經可以。當然，有枝玻璃瓶裝的可樂，會更美滿。下次來，要食番細蓉，或者乾炒牛河。勿忘初衷。