影片
更多
2009-02-09
32 瀏覽
以前成日都黎金潮食小炒，鍾意呢到夠鑊氣熱辣辣，上次黎到摸門釘，今次要係第一次試搬左之後既金潮！九點半黎到都要等位，坐櫃檯個收銀阿姐就唔願做咁，問左五分鐘先肯俾張飛我地……等左十分鐘，侍應姐姐話下一張到我地，有人埋緊單，點知轉個頭收銀阿姐就打左個電話，跟住我地張檯就俾左人地！有冇搞錯呀？！等多二十分鐘先有得坐…雖然搬左入商場，不過D檯密質質，裝修靚左光猛左，但係都坐得唔舒服~餐牌都靚左，亦都細左，冇哂以前四十幾種既煲仔送，煲仔粥荷葉飯…反而又有翅又有鮑魚~ 小廚喎？會唔會沒倒置啦~ 叫左：黃金蝦 - 賣哂冇得試…感覺上覺得好抵，以前好好食都係60蚊~胡椒蜆煲 - 以前既蜆煲D蜆係一座小山丘，冇可能浸哂入湯既…而家雖然D蜆大隻左，不過少左好多，同埋好多都係蜆殼冇肉既…我地數過一共有十五粒肉 胡椒湯而家奶白色，都好香胡椒味，不過冇以前咁勁…蜆肉偏"un"~ 有少少失望…金潮一口牛 -餐牌既相就係一粒粒既一口牛，黎到就細細碟既一片片既牛肉，一共九塊，懶靚咁有塊薄蛋皮裝飾，不過獻汁又多又水，好似幾塊牛肉游緊水…味道仲弊，超甜，唔係肉甜係糖甜，跟本就係一碟得其劣既中式牛肉！唯一可取係牛肉好腍~ 呢
餐牌都靚左，亦都細左，冇哂以前四十幾種既煲仔送，煲仔粥荷葉飯…反而又有翅又有鮑魚~ 小廚喎？會唔會沒倒置啦~ 叫左：
黃金蝦 - 賣哂冇得試…感覺上覺得好抵，以前好好食都係60蚊~
胡椒蜆煲 - 以前既蜆煲D蜆係一座小山丘，冇可能浸哂入湯既…而家雖然D蜆大隻左，不過少左好多，同埋好多都係蜆殼冇肉既…我地數過一共有十五粒肉 胡椒湯而家奶白色，都好香胡椒味，不過冇以前咁勁…蜆肉偏"un"~ 有少少失望…
金潮一口牛 -餐牌既相就係一粒粒既一口牛，黎到就細細碟既一片片既牛肉，一共九塊，懶靚咁有塊薄蛋皮裝飾，不過獻汁又多又水，好似幾塊牛肉游緊水…味道仲弊，超甜，唔係肉甜係糖甜，跟本就係一碟得其劣既中式牛肉！唯一可取係牛肉好腍~ 呢個收$88真係過份！
秀珍豆腐煲 - 原來係一個清湯素菜鍋，我地仲以為係汁煮架添~ 『濃湯寶』開出既湯加豆腐、唐生菜、金菇、鮮冬菇…簡單懶散，淡得可憐~
麵醬炒唐生菜 - 呢味好食，份量夠味道好，炒菜都炒得唔好就要真係......=.=
菜遠肉片炒米粉 - 餐牌冇既，但係以前炒米粉必定會食既~ 今次極為失望，米粉炒得唔香，肉片完全冇味，淋左個好杰好油既獻之後覺得更難入口…唉…~
估唔到以前好地地既小廚，今日變到咁~ 唔通諗住靠明星效應，雜誌宣傳？而家貨不對版，服務懶散，仲可以厄到幾耐？唔好搞咁多花神，專心做好D食物啦…
埋單 $280
最嬲係個阿姐拎走左我地壺茶…我地問佢要返，佢竟然非常堅決咁話冇掂過壺茶…仲要不停重複~~ 好聲好氣請佢再沖過，佢都仲話冇掂過…唔通我收埋個壺屈你咩？唔好玩啦…
張貼
