何二魚排 (已結業)

Item: 何二魚排
Rating: 3
Author: 陳真

3.5

6 食評

味道

環境

服務

衛生

抵食

278

西貢

$101-200

港式海鮮

陳真

等級4

165

本來自己有個宗旨, 是不會為同一間已經寫過既食肆寫下第二篇食評的, 除非所吃的東西很不同或是午飯, 晚飯之別. 今次本來想等其他食客操筆的, 但身為是次飯局的搞手, 亦在幾位相熟食友鼓勵下. 寫下呢個令我緊張了一個星期的大宴會. 難度是, 天氣, 人和....地利....交通.

天氣, 有風球到.....這令我緊張了一個上午. 幸好有提大家帶雨傘. 不然, 在途中的我們, 真的不知甚算. 上到魚排亦有細雨. 幸好食飯時雨全停了. 天公總算造美. 不過, 因為天氣又熱又焗, 小動物被焗晒出來, 其中 K.T., James, Lemon Tea, Billy, Vincent 坐的一檯完全遭殃....控制不了的意外事情....實在抱歉萬分. 而因為檯數臨時有變而令到阿 Joe 的其中三位行山朋友要坐散, 也非常的不好意思.

未開席前, 大家釣魚的釣魚, 打牌既打牌. 攝影高手們亦在爭著好位置拍下夕陽. 有一名台灣朋友對這個香港特色甚感興趣. 另外還有一對夫妻, 狂魚排一角, 跳起舞來, 天氣雖不是太如意, 大家也是非常 enjoy 的. 釣魚的人, 有不少都有收穫, 雖是魚仔, 但釣到魚, 無論大小, 都一樣的高興.

定了7點半食飯, 魚排非常準時, 7時, 已準備好檯檯凳凳, 讓我們在露天的大平台, 連開5席. 在海上擺5圍, 真是一個非常特別既 experience.

今之人多, 沒有好似上次咁一野上晒所有菜. 首先來的, 是白灼蝦, 大堆頭咁做, 明顯地凍了, 是新鮮港產蝦. 蝦是新鮮的, 但味道始終比較淡口. 鮮味就有, 但甜味欠奉.

之後, 是清蒸鮑魚仔, 這是新鮮的港產鮑, 然而這次, 應該是要求了老闆少落炸蒜片, 這次味道沒有被那些香蒜味搶走. 肉質爽甜, 用來送啤酒, 不錯.

花蛤, 同上回一樣, 新鮮虴肉, 用上黑椒汁去炒, 辣辣地非常惹味. 有些朋友可能吃不慣這樣弄海鮮, 但這正是我們十四鄉一帶圍村人的一貫做法. 這一餐海鮮宴, 甚有鄉村風味的.

蟹, 全程由養魚網撈起, 至斬件處理, 我都有全程觀察, 蟹有大有細, size 非常參差.....我自己不好食蟹. 但一看見炒出來的蟹...真的強差人意. 只因, 小的多, 大的少. 冇乜肉食. 大概不是蟹的季節吧, 攞唔到好貨是原因吧.

之後來了個青瓜, 是特別為了素食朋友而改的. 原本是蒜蓉炒菜. 改了青瓜, 更加清淡. 總好過味味有蒜頭, 食完成口都係味.

鹽水雞, 這正是真真正正的新界風味, 做法我又真的不太懂了, 但始終是每次有圍村到會飲宴, 過時過節屋企親戚整既全村大鑊飯. 都有這一味鹽水雞. 雞味十足, 皮香肉不肥. 是本地雞麼, 不清楚了. 若在7、8年前, 隨時是農村自養雞. 而家咁嚴, 應該是向有牌農場攞貨的. 咦, 同佢合作的是園藝農場, 唔知他們有沒有養雞呢.......(有機雞)...

海膽, 港產海膽, 同港產蠔一樣, 要像來路貨咁生食......我怕隨時要 call 定白車. 海膽蒸蛋或海膽炒飯是唯一的出路. 味道, 當然不夠來路貨鮮啦. 但個蒸蛋, 用作送飯, 是一個不俗的選擇. 下次試一試海膽養殖場 (西貢滘西洲附近另一個魚排), 打探了, 天氣清涼少少時, 再戰一戰魚排.

蒸帶子, 傳統的用上粉絲鋪面, 落重豉油的清蒜帶子. 新鮮, 但細隻左少少. 一人一隻的, 剛剛好.

是晚主角到了, 是魚排自養的大石班. 肉質爽甜. 只是比海魚稍遜. 夠哂大條, 蒸得剛睡好夠熟, 這條魚亦是我看著他們即撈即鐺的. 非常之肥美. 說真, 交到各大酒樓的, 有幾多是真真正正海魚....清蒸大海班, 沒錯是海班, 是係海養既石班.

是晚, 汽水一人一罐, 白飯任裝, 奈何粥少僧多, 飯得果一煲. 要 Cater 咁大班人, 不只我緊張, 連魚排都緊張起來. 難免有少少失準. 而且天氣不穩定, 亦是令我極度緊張既因素.

結數每檯 $2300, 不收加一, 不收小費, 包船接送. 我的表親看見, 都嚷著要來玩返半日. 不過, 經歷了這一天, 下次要搞, 都係入秋, 涼涼地搞更好.

食完不過是9點鍾, 大家興致勃勃的離去. 開心的, 不只是食物, 而是開心的釣魚, 雀局, 拍照樂. 再加上大自然的清新空氣, 若天氣好一點, 特別心嚝神怡.