蘇山雞飯

上次試過夜晚嚟食晚餐
今日你試吓下午茶

雖然佢個餐牌係一樣
但係下午茶就平啲

同埋份量少啲
但係都唔錯
今日叫咗個海南雞飯
再另外嗌多個豬手飯
一定要嗌多個鮮油咖央多士
因為實在太好味

上次就冇試過佢個雪山奶茶
朋友話幾好味

今次叫雪山奶茶叫套餐加$9
都唔錯
下午茶時間冇咁多人
又唔使等位
正

食完之後仲嗌左個外賣盒外賣海南雞飯同雪山奶茶出奇地值得一讚
外賣佢哋都冇另外加收費

真心支持小店
再值得一讚啲姐姐
都好有禮貌
埋單時係咁問我哋有冇留低野
唔好留低野先至走啊
超細心