MO Bar (裝修中)

約左啱啱返嚟香港嘅朋友嚟呢度飲野，我自己嚟過呢度好多好多次，以前最鍾意飲佢哋嘅Hong Kong legend，後來減肥唔想飲咁甜所以都好耐冇飲。佢哋座位唔多，但當晚人唔算多，去到就有位。喺我哋點完嘢飲之後，窗口位嗰枱嘅客人就買單準備離開，因為朋友難得返嚟香港一次我都想佢哋坐窗口位影靚相，所以就同左服務員講，一陣等佢哋清理完張枱之後可唔可以坐嗰張枱，服務員禮貌地表示當然可以陣間就幫我地換位。後來招呼我哋嘅服務員入咗吧枱調酒，當我地見到張枱清理好之後，竟然見到貌似係一位經理帶咗兩位客人直接坐嗰張枱。我同朋友都好無奈，覺得佢哋之間欠缺溝通，先會有呢個情況出現。過咗一陣我同經理表示其實我哋一早已經request咗要啦枱不過唔緊要啦但希望下次唔會有咁嘅情況發生。佢好有禮貌同我地道歉表示唔好意思。後來個兩位客人走咗之後佢問我地仲想唔想轉枱，我哋坐落咗就費事轉啦，所以就表示唔需要啦。最後佢送咗一下小食俾我哋，送酒都幾好食嘅。