品越越式料理 (士丹利街)

今日約左三個朋友一齊試下，又平又大隻嘅越南大頭蝦，佢地有兩個去過越南無幾耐，所以對越南野食重記憶猶新架！希望今次介紹唔會比佢彈喇！haha

先黎飲野係[滴漏咖啡]係就係夠香，不過有人話甜左少少！如果可以自己加鍊奶就更加好喇！

[青檸梳打+薄荷葉]勁好飲，同越南做法一樣用沙糖架，飲入口好得意架！佢哋都好喜歡！

[焗大頭蝦]佢哋話越南個次食嘅大頭蝦無今日食咁大隻，計起條數E餐大頭蝦仲要平過越南。而且焗得好香，$98咋 勁掂

[椒鹽軟殼蟹]外脆内軟，又多膏，而且非常惹味，佢哋都讚…正

[越式蝦醬炒通菜]，炒得好夠鑊氣，通菜保持適當爽脆，好惹味。

[龍脷魚柳]，炸得好好呀，外皮脆魚肉保持柔軟…重有面頭炸得好鬆化嘅洋蔥圈好正呀！

[燒大蝦柚子沙律]佢哋讚Ｄ柚子夠清甜，蝦又夠新鮮爽口！

[法式牛油雞翼] 第一眼睇見，咦！好野喎！一碟本來四隻而家變成八隻，一條骨一支雞翼，方便入口，睇得出花過心思喎！再加上陣陣蒜香，完全冇雪味，好惹味呀！值得推薦…正！

[脆皮蝦卷撈檬]炸得外皮好脆呀！

[扎肉蝦餅撈檬]都好好食！

我特別介紹佢哋食嘅[檳榔葉燒牛肉]，佢哋都話又稔又多肉汁又好味！下次要再食

[生牛肉湯河粉]大家都讚Ｄ湯底好味，金邊粉好爽滑，生牛肉唔肥得哩又稔！

[牛柳粒紅飯]Ｄ牛柳粒好食喎，但係紅飯就普通Ｄ羅，如果可以炒得香Ｄ又或者搶味Ｄ就更正喇！

[鍋仔牛柳粒]好香酒味，牛柳粒又稔又滑…正

[香芒黑糯米]嘅芒果可惜未夠熟，酸左Ｄ…唉！

整體黎講，佢哋都相當滿意，下次再約去搵好嘢食 haha

[燒大蝦柚子沙律]佢哋讚Ｄ柚子夠清甜，蝦又夠新鮮爽口！

[鍋仔牛柳粒]好香酒味，牛柳粒又稔又滑…正

牛柳粒紅飯

[法式牛油雞翼]一條骨一支雞翼，方便入口，睇得出花過心思喎！再加上陣陣蒜香，好惹味呀！值得推薦…正！

今次主角[焗大頭蝦]

[龍脷魚柳]，炸得好好呀，外皮脆魚肉保持柔軟…重有面頭炸得好鬆化嘅洋蔥圈好正呀！

[檳榔葉燒牛肉]，佢哋都話又稔又多肉汁又好味！下次要再食

[越式蝦醬炒通菜]，炒得好夠鑊氣，通菜保持適當爽脆，好惹味。