濠客蒸氣海鮮 (已結業)

邊個話夏天唔可以食蒸氣鍋😂😂當然要涼住冷氣，同朋友圍埋一齊食個豪華海鮮蒸鍋啦！入正題，第一次嚟，店鋪唔算大，但坐位都闊落，三五知己剛剛好坐一張枱，叫咗個4人餐龍蝦好實肉，又爽又甜，夠曬肥美，而且仲爆膏！正啊相比下，蟹就差少少，唔算肥，不過都好鮮味，海鮮真係原味蒸熟最正元貝同象拔蚌仔，蒸3分鐘剛剛好，鮮甜無比，一d都唔韌！推介！聖子王好大隻啊！而且仲有龍躉肉，青口，鮑魚仔，蝦，虫草雞，開頭睇d分量以為會唔夠食，點知到最後，我地都飽到捧住個肚走啊！