影片
更多
2012-09-08
271 瀏覽
同事介紹話好食，2 個人星期六晚未夠7 點哩到，間鋪客唔算太多，但燒烤爐嘅檯坐滿，只有無燒烤爐嘅2 人桌。我地坐左一張2 人桌成10 分鐘都無人理，我地真係以為自己變左忍者隱左形。。。。忍唔住叫左個四眼馬尾妹妹仔問下可唔可以食燒烤，佢一開口就話唔得！話坐燒烤檯最少要燒20 串。。我O 嘴 答佢我無話食唔到20 串喎。咁佢先改口叫我坐住等，有檯幫我轉。 再坐左10分鐘，諗住叫住D唔使燒嘅食住先，又係無人理，好辛苦先叫到個牛尾湯套餐$50,同一個炒雜菜$40，D食物都算快到，個炒雜菜都算ok,不過好細碟！。。個牛尾湯跟飯，都有1 大2 細舊 牛尾，但湯好清無咩味，又係好細，大男人未必夠食。。 食食下就有檯走，轉左檯即刻order 左 20 串嘢~因為好熱，抽風唔夠，冷氣唔夠 ...只想快D吃完走。。。 D串燒好快到，不過又要等加炭，放左串燒又要等個老闆去買掃掃油，唔知係個爐細定d 雞翼大隻， D雞翼根本轉唔到。。。我地一路流汗一路燒，都幾係。。。未夠8 點~鋪外面已經有幾個人等緊。。。有D入到哩見未有燒烤檯就坐底食住其他嘢先，有檯至轉。。。點知就
忍唔住叫左個四眼馬尾妹妹仔問下可唔可以食燒烤，佢一開口就話唔得！話坐燒烤檯最少要燒20 串。。
我O 嘴 答佢我無話食唔到20 串喎。咁佢先改口叫我坐住等，有檯幫我轉。
再坐左10分鐘，諗住叫住D唔使燒嘅食住先，又係無人理，好辛苦先叫到個牛尾湯套餐$50,同一個炒雜菜$40，D食物都算快到，個炒雜菜都算ok,不過好細碟！。。個牛尾湯跟飯，都有1 大2 細舊 牛尾，但湯好清無咩味，又係好細，大男人未必夠食。。
食食下就有檯走，轉左檯即刻order 左 20 串嘢~因為好熱，抽風唔夠，冷氣唔夠 ...只想快D吃完走。。。
D串燒好快到，不過又要等加炭，放左串燒又要等個老闆去買掃掃油，唔知係個爐細定d 雞翼大隻， D雞翼根本轉唔到。。。
我地一路流汗一路燒，都幾係。。。
未夠8 點~鋪外面已經有幾個人等緊。。。
有D入到哩見未有燒烤檯就坐底食住其他嘢先，有檯至轉。。。
點知就係咁出左事，外面D人見有出無入，就入哩曹，又問點解可以入哩坐住等？又問點解唔派飛仔。。
另外，又有個肥婆投訴個馬尾四眼妹服務態度衰，眼掘掘。。總之曹到死。。。不過事實上個馬尾四眼妹又係唔底爭，又唔招呼D客講嘢又掘。。。
本來我都頂佢唔順想開拖。。而家有肥婆幫口真係大快人心！
講返正題，D燒烤串除左雞翼同墨魚丸之外，其他都唔覺好食。。串燒價錢唔貴，平均7-8 蚊串。。。飲嘢只有罐裝可樂，忌廉，柚子茶。。。無特別。。。
鋪面可以話無裝修，侍應連收銀得四個， 除左馬尾四眼妹成日掛住吹水之外，其他2個 都算ok, 尤其是白白淨短髮果個。。不過就個個都無咩記性，order 左汽水轉頭又要D客提幾次。。。
鋪面好熱，食物唔算特別，客人又多怨氣。埋單$267唔算貴，但應該唔會再幫襯。
哈哈。。。我臨走時，肥婆仲一路燒一路罵緊。。。 真好氣！
張貼