金順玉 (已結業)

食物質素差，員工態度更差！情人節個日諗住同男朋友靜靜地食個飯，所以留左係元朗。聽朋友講話佢係北韓人開，見幾特別就諗住帶男友去試下。一去到好彩有人走，唔洗等就入得。叫左d串燒，石鍋飯，韓國菜餅，韓式炒年糕，泡菜炒五花腩。嘿，真係嬲，首先黎左個石鍋飯，同男朋友開心share， share完仲有一大半放左係度，諗住一陣再食。點知個肥妹仔侍應走黎問係咪收得-_-"想收左佢，傻架？食左都冇10分鐘！後來d串燒黎左，咁我就好順手一路燒，一路「審」d 粉係d串燒上，點知佢話我搞到佢間鋪好大煙-_-搞到有人投訴，但重點係佢鋪頭係以BBQ作賣點，但係無抽風系統，亦都冇提我唔可以直接「審」d粉落去。好啦，開始有人等位啦，佢就想趕走我地，ok我明白，我都唔想阻人做生意，但我地叫左d食物都未食完，仲有一大碟韓國菜餅，韓式炒年糕，泡菜炒五花腩！佢我係咁望住我地，好似俾緊壓力我地咁，咩事！？食物質素真係唔好提，好普通。唯一想講係果個韓國菜餅，厚到無倫，韓國食過同見過都冇厚！ 味道仲衰過酒樓d咸薄撐！係佢地呢2母女（我懷疑）ge服務態度，眼神催趕下，以及係咁樣ge食物質素，我地真係無福消受！好差ge用膳經歷！永遠都

同朋友一齊去食晏，上網睇啲相以為會幾好食，點知又難食又唔夠正宗個韓式炸雞一開頭食落去幾香，但愈食愈難食，啲雞好粗糙又唔夠脆，啲醬又一般，只係普通韓式辣醬混啲切碎既蒜頭再淋啲芝麻上去，份量ok既，價錢$38，但因唔太好食我同朋友都食剩5-6嚿。另外到個石頭鍋飯，睇個樣真係呃得吓人，但其實冇乜醬，要自己另外再加啲醬先有啲味，啲雞肉又係粗糙，泡菜拌完比個鍋燒到冇乜味，因為實在太熱既關係，食到好慢，啲飯已經比個鍋整到又乾又焦又漿，總之就係好難食，食到一半已經冇食，不過份量都多，價錢$38。總結：環境唔靚，裝修太求其，個feel一啲都唔似係韓國餐廳呢間野唔會再食，無下次，真係好伏

之前經過元朗見到呢間韓式菜，特地找天來試，結果失望而回。本來開呢個acc係為左save下有乜餐廳好食，但都忍唔住寫番一篇黎講下。服務:我地兩個人今日係晚上七點來食晚餐。一去到就已經俾waitress態度好差咁問幾人，燒唔燒烤，之後就行開左，過左陣先話派張飛我地等。決定點乜菜之後，我叫左幾次waiter都冇人理，或者應完就算，嗰位應該係前幾個食評所講嘅女仔。點完餐，明明個套餐有飲野，就要問係咪有先話有，唔係就當冇左件事。最後點完餐，我地叫四樣野，只係黎左三樣，個飯漏左單，不明白為啥用機落單都可以落漏。食物:我們食了三樣，包括:泡菜豬肉麵麵用的是像烏東的樣子，不是辛辣麵。最大問題是泡菜湯底又酸又辣，不是香港人可以頂得順的程度，味道嗆得人係咁飲水同食其他菜都冇胃口泡菜年糕也是泡菜的問題，而且味道更濃，食餘大半碟雞肉炒雲耳惟一味道正常又食得完嘅一碟總結第一次食個飯係等上菜嘅時間快過食，同時食完會有種"食係食到八分飽但點解要俾d咁嘅野填飽個肚"嘅感覺。

今日唸住去食紫菜飯但估唔到職員話啲飯賣曬, 焗住要食麵-叫左個泡菜抄麵。超淡囗,好彩泡茶有味。 仲有叫左個既磨薯餅-即整夠熱,但都係無乜味。串燒-試左羊,牛,豬腩肉,雞,啲肉太細粒,要9元一串,我覺得唔抵食。而且都係果句-無乜味 係個炭爐特別啲之外無其他吸引之處

  為補祝朋友生日，我地一行五人到了壽星女提議既金順玉食串燒，我地六點到達，雖然無book位但有位，所以可以立即入坐，環境似家庭式小店，店內電視播放kpop,對於中左韓毒既我當然最滿意係依樣啦 店內無免費提供8小碟，所以我地叫左泡菜同紫菜包飯套餐，套餐包汽水，紫菜包飯既味道不像我在尖沙咀韓國街所買，面仲要有沙律醬，對於唔鐘意沙律醬既我實在不能接受。相比之下，個人認為金巴利道所買的更好食。海鮮煎餅粉味有點重，但沾上舖內既韓式辣醬之後問題不大。韓式炒粉絲係我覺得最好，不會好重油分，面有紅蘿蔔絲、木耳、雞肉條，對於蔬菜狂既我當然食唔停口。  石頭鍋飯我唔建議叫，因為飯未加辣醬拌時已有啲濕，加左醬更加，味道亦屬普通貨式。仲有另外叫左個牛肉湯烏冬，好普通，相都無影！  該舖賣點係自轉串燒，無需自行反面，方便！！ 個人認為平價串燒無話好唔好味，五個女生叫左30串，不過不失，唯一缺點係每串太少，一串豬頸肉只有手指咁幼，薄左小小，但係8蚊9蚊一串差唔多啦～ 飲品除左剛才包埋個杯汽水外，其餘4人都叫左蘆薈飲品，各人都認為甜得滯，要加番清水才ok  整體黎講不過不失，都可以止下想食韓食既癮，最

天氣轉涼，好想食d暖笠笠嘅嘢，立即想起石頭飯。雖然食評寫佢嘛嘛哋，但見佢家庭式作業，應該冇咁行貨，一於試吓。 點咗豬頸肉石鍋飯，唔洗兩分鐘就上菜。咁快？！ 買相唔錯，可惜唔記得影相 再點牛尾粉絲湯~套餐跟白飯 ~ 我覺得味道清淡咗d 韓式煎薄餅~好味 餃子晚餐時段有韓式串燒，好吸引！點咗牛仔肉，雞串，東菇，蝦，羊肉，花枝丸，尤魚，五花腩…… 五花腩最好食 特製嘅機關令客人唔使動手，串燒懂得自轉，好得意 ！4個人食咗$320， 中規中矩啦！可惜冇供應韓式小碟（通常韓國菜有六至八碟前菜） 如果送埋，成件事就圓滿好多。

今日係開學日都係我DAY OFF既日子，於是乎就去左元朗閒逛。天氣好熱又唔想食D熱辣辣既野所以就去左屋企附近間韓國食店食喇。早係佢岩岩開學果陣我已經食過一次，果陣係食左韓國壽司同石頭飯。但因為唔係太好食既關係已經好耐冇去過LU。但係近排成日見佢大排長龍，就決定再去食多一次啦今次叫左一個冷麵同埋一杯蜂蜜生薑茶。落單既時候侍應姐姐同我講要等三十分鐘，因為所有食物都係即製既。三十分鐘後，非常之大碗!但點解有蘋果係到既?!同埋係有成廿幾三十粒冰係入面架(我睇韓綜爸爸我們去哪兒入面成東日都係咁整冷麵架)呢個冷麵既湯底係牛骨湯而配料就有松子，泡菜，青瓜，牛肉，雞蛋同埋辣醬(唔係平時食石頭飯果種，呢一種辣醬係見到有辣椒子既!)味道方面，個湯底係酸酸甜甜比較淡口既，因為撈哂D材料入去同埋D冰溶左入去湯內，亦都因為咁既關係，完全食唔出呢一個係牛骨湯。另外，雞蛋亦到太熟喇，咬開果時2會見到蛋黃外層已經變成灰灰地既色。牛肉整到好似牛肉干咁但係味道其實還好。但真係要贊一贊個即製蒿麥麵!好彈好似食緊日本既蒟蒻麵咁，等三十分鐘總算有價值呢一餐食左$58，其實都好貴下。

同事介紹話好食，2 個人星期六晚未夠7 點哩到，間鋪客唔算太多，但燒烤爐嘅檯坐滿，只有無燒烤爐嘅2 人桌。我地坐左一張2 人桌成10 分鐘都無人理，我地真係以為自己變左忍者隱左形。。。。忍唔住叫左個四眼馬尾妹妹仔問下可唔可以食燒烤，佢一開口就話唔得！話坐燒烤檯最少要燒20 串。。我O 嘴 答佢我無話食唔到20 串喎。咁佢先改口叫我坐住等，有檯幫我轉。 再坐左10分鐘，諗住叫住D唔使燒嘅食住先，又係無人理，好辛苦先叫到個牛尾湯套餐$50,同一個炒雜菜$40，D食物都算快到，個炒雜菜都算ok,不過好細碟！。。個牛尾湯跟飯，都有1 大2 細舊 牛尾，但湯好清無咩味，又係好細，大男人未必夠食。。 食食下就有檯走，轉左檯即刻order 左 20 串嘢~因為好熱，抽風唔夠，冷氣唔夠 ...只想快D吃完走。。。 D串燒好快到，不過又要等加炭，放左串燒又要等個老闆去買掃掃油，唔知係個爐細定d 雞翼大隻， D雞翼根本轉唔到。。。我地一路流汗一路燒，都幾係。。。未夠8 點~鋪外面已經有幾個人等緊。。。有D入到哩見未有燒烤檯就坐底食住其他嘢先，有檯至轉。。。點知就

睇過頭條日報介紹所以上星期和友人特意來試!同行四人晚上6點幾到唔洗等位就入到,但見到7點多開始有人等位喇!真幸運!!我地四個叫左 牛肉喬麥冷面 , 羊肉石鍋 , 海鮮煎餅 , 炸醬麵 ,泡菜湯..牛肉喬麥冷面聽侍應妹妹講是即壓即制,我坐第一台可以見到廚房用壓面條,真夠誠意.而味道方面,是非常開胃,湯底是酸酸甜甜的,有點蔬果味,面條夠趙口,配上蔬菜少許牛肉及辣醬非常美味.不過同行其中一位友人就不太喜歡 可能她不太喜歡蔬果是各人口味不同~羊肉石鍋石鍋是以熱鍋上,加以辣醬搞拌即成美味石鍋拌飯,材料亦足夠,以$38來說是相當抵食!!羊肉味道鮮而不膻,很好!海鮮煎餅粉將較得很好,有雞蛋香味,不過如果再煎耐少少應該好d,材料方面海鮮份量剛好.不錯...海鮮炸醬麵相當不錯!!!炸醬麵的麵條是很爽口,很好吃!!!略嫌炸醬中的海鮮不夠,如果大粒d應該好d,有趙口d泡菜湯非常喜歡~對於愛吃我酸辣的我. 酸酸的泡菜味夠濃,裡面有粉絲..豆付,十分野味~配以白飯是一流,依碗我是吃得最多呢,哈哈本以為是韓國菜,但經過侍應妹妹解釋原來是朝鮮菜,略有不同,,今次比較我之前食的較清淡...不過地下很濕滑.去廁所條路較

上個星期報紙介紹, 特意前往試!本人共叫了壽司, 香辛辣魷魚SO, 招牌牛肉冷面, 串燒X4, 海鮮薄餅!壽司: 一般 香辛辣魷魚SO :一般 招牌牛肉冷面: 酸的 想不到這是招牌非常難食串燒X4,差, 又細串, 得子然粉係表面, 串皇好食過佢X1000000

見到佢開o左一排...夜晚都幾多人...今日終於試到~ 老公先去攞位~ 幾個後生o既店員都好勤快~ 行來行去招呼同送餐~ 我地見到好多人食串燒...不過今日想試o下d傳統o野先~ 1) 泡菜 ($10)平日自己都會買d pack好o左o既泡菜送飯...不過呢個比平時食o既辣好多...同埋有d苦...麻麻地o岩口味...2) 香蔥煎餅 ($30)一路都望住廚房入面有個哥哥係咁整煎餅...但係我地呢碟都等o左好耐...最後先到...熱辣辣真係好好味~ 又唔會太咸~ 不過如果煎得脆d會仲好味~ 哈哈~ 3) 炸醬麵 ($45)d麵都幾好咬口~ 入面又有d薯仔同海鮮~ 不過不失~ 4) 豬肉石鍋飯 ($38)正如其他食評所講...隻蛋係煎蛋真係有d失望ge...不過其他配料都算幾豐富wor~ 熱辣辣同埋味道真係唔錯~ 記得要落d辣醬調味~ 咁先最正~ 整體都算唔錯啦~ 個人覺得唔係真係咁差ge...以呢個價錢都算係咁ga la~ 我都會再去ge~

昨日係討論區既食後推介見到依間餐廳的食評好似幾好，平平地，又好似個牛尾湯飯幾靚仔，一心諗住試食野！怎知....跟足個討論區叫左個壽司餐、牛尾湯餐同串燒！壽司一來，我個fd 呆左，食落去，冇味既＞_＜牛尾湯飯牛尾得一舊，我個fd 話個湯好胡掓、牛尾好似豬骨！串燒好鬼細粒~~~今次一行愧對朋友了

韓國食肆真的在元朗越開越多了,在家計會這一邊也開了一間,名叫金順玉的,也與為食友人一試!這店的裝修有點馬虎的,四壁只上了白色,沒有假天花之下所有喉管都可以看到,最為韓式的,就只有一塊寫上幾個韓文的木牌.值得一提的是這店有供應自助炭爐燒烤!用上真炭,並不是尋常食肆可以輕易品嚐到的!可惜的是至少需要點上廿串串燒才可以一試自助燒肉,當天二人食力不夠,未敢輕舉妄動.唯有轉攻其他食品好了.先來的是韓式壽司,很可惜,只是掛羊頭賣狗肉,用了日式制法滲了壽司醋,風味大減,可幸的是飯質還算顆粒分明,紫菜未有因水氣而變軟.如果在日式食肆吃到應該會高興些.豬肉石頭鍋飯,並非想像中的熱氣滕滕,飯底半點飯焦也沒有.只用上一冷鍋盛上各種配料而己.配菜有甘荀絲,雜菜,冬菇,己經混好韓式辣醬的豬肉粒,泡菜醃法的沙參及一隻熟蛋.正如之前的韓式壽司一樣,以一隻韓蛋扮作傳統的生蛋,冷鍋扮作熱石鍋,極有東施效顰之感.整件事情亦來得十分簡單,簡單得連基本調未醬亦沒有,連忙向店員要求一支韓式辣醬以作調味.也罷,味道還尚可以的.比較特別的是沙參,醃上了辣椒粉後依然爽脆!沒有了一般參類的苦澀,意外地較津白更易入口,配白飯可以連吃幾碗