今日經過就打算吃個餃子麵再去搭車，點知無芹菜餃，無粟米餃，OK，總共5款有2款無都唔緊要，拿拿臨落左個白菜餃子麵等食。眼看我個安心出行已經22分鐘，都未有嘢上來，而其他台遲過我到都食左一半了，我就問店員究竟有冇落單，店員話餃子係耐d嘅，再2分鐘就得。好，又等到我個安心出行準備25分鐘，我又問，究竟有未？已經20分鐘，阿姐答我，未有二十分鐘喔。
呢個回覆真係不得了，我即刻收聲啦，唔通叫阿姐過來睇下我個安心出行咩，唔通叫佢睇cctv研究下我係咪真係一坐低就落單咩，真係不得了。
最後我用左10分鐘左右，將碗d麵痴埋一舊、餃子又同灣仔碼頭差唔多嘅餃子麵食左一半，起身買單，走夾唔透。
如果佢d餃子同麵好食到登天，我會接受阿姐係呢個態度同速度，不過，價錢唔係話平，味道又唔係特別出色，店員態度又係咁，我覺得真係無謂受氣。邊個會想用超過20分鐘等一碗普通嘅麵，仲包埋阿姐嘅問候呢？
