麵皇自家麵

營業中

休息中

麵皇自家麵的雞絲冷粗麵麵皇自家麵點了雞絲冷粗麵，香辣味，微辣，效果出奇地好。首先我去外賣平台買外賣自取，可以預先點餐，實在很周到。所以不用怎麼等，到店時便可取到外賣，實在很方便。不過有個缺點，就是我點的是冷麵，取到食物時覺得麵條不夠冰涼。或者到店吃還是有他的優勢，但這個方法就是可以節省不少時間。麵條吃起來有咬口，像意大利粉的質感，不會過軟，稍硬一點，但可以接受。雞肉比較粗鞋少許，質感麻麻，但都是可接受的。麻醬很美味，芝麻味道香濃，跟辣味非常搭，一點也不膩或滯，看起來相當開胃，小小涼的感覺很適合夏天進食，而且提供的醬汁很足夠，每一口都吃到沾醬，辣汁還分開存放，非常細心，這一點值得嘉許。我最喜歡吃青瓜絲，因為它質感清爽，而且吸滿醬汁的味道。

係佐敦揾野食，朋友提議食「自家麵」，我都以為會吾錯，所以就決定試下。店不大，但大部分位置都坐左人，衹有面璧的位置，我地都冇所謂，叫左幾款食物，主打手工制麵，但食落湯底冇味，麵質麻麻，比較稔，冇彈牙，餃子都一般，皮是薄和大隻，但饀料味道一般，牛肉酥餅都酥脆，但味道又係吾覺有咩獨特之處，食完後冇想再來食的慾望 ，有點失望 😑

可以一試本身無咩期望入去但意外地好吃雞涼麵隻汁係我鍾意既類型好耐無食過咁Q 彈既麵麵既質地煮得岩岩好唔容易煮到咁彈既麵 非常彈同好食有d 店會將麵煮到好林好難食但E 間個麵底幾出色

此間是標榜手造健康材料麵，但Champion 中的Champion 是不太健康的牛肉餅，酥皮是得酥不得了，新鲜熱辣，餡是炆牛肉牛筋配紫洋葱，極極極滋味，是一吃難忘。粗麵的確是自製，彈牙，有獨有的粉香，熱呼呼幾口就吃完。美中不足是湯有點不合理的鲜甜，果然幾小時內我喝了三杯水。白菜餃皮很好，但餡料竟比韮菜餃更濃味，肉太多，白菜太少。韮菜餃隱隱透着翠綠色，咬一口是滿口韮菜和着肉汁的鲜香，但如果調味清淡點會更好。

咁都食過好多次㗎啦，係譚仔嘅另一個選擇咁，湯底都好似譚仔嘅咁再香啲同埋都好好飲嘅，都比較少堂食嘅多數外賣多咁喺今日呢食呢一次就啲鮮牛肉有啲韌有啲筋位連住都幾難咬，平時都冇咁差係今日啲芽菜又少嚟緊冇咩特別都唔會想再食，不過佢出餐真係幾快嘅純粹覺得好快有得拎，唔似第二間要等好耐外賣又剩係得對筷子又冇匙羹咁我想講一講呢就試過粗麵同埋幼麵嘅咁自己覺得幼麵係好食好多粗麵不好吃鮮牛肥牛同埋粟米豬肉餃子都食過餃子不過不失啦，都冇咩特別咁今日就食咗$54啦，都唔覺得特別抵食嘅

行過佐敦見到呢間門面好似好勁咁，又讕係有同明星合照嘅相喺度，裝修幾靚入邊好多人，於是即管試吓，叫咗碗牛腱麵，落單嘅時候佢問我咩湯底我諗咗唔夠2秒嗰個姐姐就唔耐煩咁樣自動幫我揀咗清湯，都唔緊要，個面嚟到啲牛腱又凍又硬個麵直程我唔知點形容未食過咁難食嘅麵，我唔知係麵粉味定係咩味，白色湯底味精非常濃我諗所有人都係比佢鋪面嘅裝修呃咗入去，但係我以後都唔會再去，仲要70幾蚊碗，呢碗麵$50我都覺得貴，隔籬香港仔魚蛋好食過佢好多

個人好鍾意食牛肉餅同胡椒湯，上網揾到呢間就專程去試下。洋蔥牛肉手功餡餅 $33個酥皮真心香脆鬆化，裏面包咗牛展粒同洋蔥。佢唔係灌湯多汁果種，相反，佢真係純粹裏面有饀，但一d 都唔油，牛肉粒係淋同好食。至於洋蔥，無特別整到淋晒，直情一粒粒近乎生食，反而有好香嘅洋蔥味同乸乸地嘅感覺。酥皮、牛展同洋蔥味道係分開嘅，唔係話味道互相融入其中。但，成個餅又做到三者和而不同咁，夾埋又好食喎。手撕雞涼麵 （小辣） $53揀呢碟原因係因為隔離食客。坐隔離已經聞到醬汁嘅香味，望落同聞落覺得好惹味。一上台，勁大碟。一路撈，一路聞到好香。呢碟揀咗幼麵，麵條好有咬口，偏硬，雖然唔係彈牙，但好食嘅。小辣唔算辣，個人覺得啱啱好。至於雞，唔係特別有雞味，不過我接受手撕雞係咁。喺咁熱嘅天氣食完惹味嘅涼麵，係開心嘅。鮮牛肉手工麵  （胡辣，小辣）$52一上枱飲啖湯先，話晒專程嚟食胡辣湯底，個人覺得唔算重胡辣味。因為我鍾意要食到流鼻水，咁先有驅寒感覺。至於鮮牛肉，唔錯，唔會淥到好老，算嫩。題外話，間餐廳係sell 自家製麵，無添加劑同鹼水嘅。不過，食完都幾口渴，味精應該唔少。

剛剛喺九龍公園附近做完運動就搵間餐廳食晚餐，我哋兩個人嗌咗兩碗麵，分別係羊肉寬麵及牛展撈粗麵（原味）。食完第一啖個撈粗麵，就覺得唔對路，粗麵質地煙靭，感覺係未煮熟就拎出嚟俾客人食。我問侍應，侍應話粗麵係煙靭啲。但係佢點解喺客人落單嘅時候唔提醒呢個情況？個侍應完全係冇意識去幫客人換另一碗麵，我唯有被迫要食。食完之後半個鐘，我就知道自己中咗伏，個肚就開始唔舒服，有種搞肚痛暈車浪嘅感覺，好明顯係消化不良。我試過羊肉寬面，口感正常好多，起碼煮得腍身啲。我覺得呢碗麵真係食得好委屈，身為一個食客，完全被忽視訴求。 以上食評係真實內容完全自費。

在唔知食咩嘅情況吓，被店舖櫥窗玻璃上的明星食客圖吸引，心裡以試試看的心情進去了。🔸蜂巢豆腐手功麵 + 腩肉 (酸辣湯底，少辣) $68🔸▶️腩肉：加$18，件數有大約六小件，太少了吧▶️湯底：夠酸，都算入味▶️手功面：面底算多▶️蜂巢豆腐：件數算多，都幾吸湯底嘅味，除此之外唔算太大驚喜見到好多人叫冷撈麵，不知是否心理作用，總覺得隔籬飯香。總括而言，試完一次應該唔會再有下次嚕，畢竟佐敦都有其他選擇呢😯

夜晚如果想平平地，冬天食返啲暖笠笠嘅野，可以試吓喱間以唔同粗幼同種類嘅麵為賣啲嘅麵舖。湯底有多款選擇之餘，麵嘅粗幼度都有幾款比你揀。叫咗個好多人推薦嘅手撕雞涼麵，其實就無咩特別嘅，個醬就似芝麻醬撈落去咁，如果唔想食湯麵，都可以試吓嘅，但其實啲麵喺好彈牙，的確唔錯嘅。至於個酸麻肥牛麵就無咩太大特點，可以話價錢實惠都喺賣點之一嘅。比較起其他麵店，其實喱到都抵食，因為啲麵質地，真喺食落有唔同口感。而個紅油豬耳就真喺有啲辣，如果唔太食得辣就都可以唔洗試。

尋日同朋友經過，比佢d餃子吸引左入去，落單果陣，我地叫完2碗麵，都未講完，個阿姐就行開左，之後叫餃子，叫完又係咁，第三次再叫個阿姐落單，佢好唔耐煩咁，我未試過落單係可以咁樣分3次叫，個阿姐係勁趕客feel，佢d野雖然係好食既，但服務態度係差到不得了😡下次未必會再幫襯

第2次食呢間餐廳，通常天氣一熱或者唔想食太飽都會想食呢到嘅涼麵，今次仲試埋呢到每日限量供應嘅手功餡餅添😋呢間餐廳主要係食麵，有湯麵和涼麵🍜👉🏻麵條可選擇幼、中、粗和寬麵👉🏻湯底有原味清湯、胡麻湯底、胡椒湯底、麻辣湯底、酸麻湯底、酸辣湯底👉🏻 湯底備有5種辣度：微辣/小辣/中辣 / 大辣 / 超辣因為今次要食手功餡餅，所以叫咗最輕食嘅三絲涼麵，上次我食過手撕雞涼麵，手撕雞份量都幾多，如果加埋餡餅就應該會太飽！ 三絲涼麵 $43👉🏻粗麵👉🏻麻辣（小辣）😋食後感：-雖然只有青瓜絲同蘿蔔絲，不過麻辣味超香超野味～正🤤-上次食過寬麵，今次試粗麵，係類似意粉咁，試完個人覺得都係寬麵比較好食同夾，所以我下次都係選番寬麵😂如果只食三絲涼麵應該會覺得好齋，加埋餡餅就剛剛好🙌呢到嘅手功餡餅係全天然穀麥製造人手製作，菜單寫著「二百層鬆化香脆酥皮」🤩吸引榨菜豬肉手功餡餅 $27 （原味）口味可選擇：原味、大、中、小辣😋食後感：-份量比想像中大，外面係香脆酥皮，望落去真係有好多層，咬落超有口感，好鬆化🥰-裡面都好足料，好有東北風味嘅濃郁豬肉味，好味😋👍🏻推薦

昨天去開買嘢，下場趕時間簡單吃。叫咗胡椒湯底羊肉麵(推介咁嘅配搭，尤其適合冬天) 同原味手撕雞涼拌粗麵。羊肉有香味，不濃味。 手撕雞足料，比例好。兩樣都係菜如果多少少就好了。至於麵，我prefer扁麵質地軟熟，貌似刀削麵但又唔係，會跌來跌去，但好食。粗麵太un，不過幾有趣的。只係唔會想食成碗。(況且冬天，涼麵份量又大)所以後來兩人各一半，不錯剛好👍🏻👍🏻加埋豆漿 - 原來係一豆漿，ok la~ prefer自家製。

一人的〔涼拌餐〕今日Lunch食自已，突然想食拌麵，就去左公司附近《麵皇自家麵》，地方細細，門口好多人等外賣，我叫左手撕雞涼拌麵(唔辣)，我揀左寬麵，都等左一段時間，可能人太多，拌麵比我想像中大碟，不過個寬麵口惑真係無得頂，超爽口彈牙，而且配上麻醬，真係好好既配搭，手撕雞d雞都算多，而且肉質唔會好"鞋"，今日個午餐好滿足，下次要試下呢個既羊肉先！

食物味道還可以，但服務態度真的九流！大概幫襯過十次八次，有四次是落錯單。包括將兩碗麵的味道掉轉了，另一次是叫幼麵卻來了寬麵，還有一次是小辣變了大辣。每次錯單都心想沒所謂啦，埋單時告訴那些阿嬸她們落錯單，誰不知她們反而話客人不早點通知。老實說，我哋來幫襯，不是來做審核，根本不會注意他們落單是否落得啱！呢啲服務態度睇怕間舖都唔會做得耐！請着呢啲咁嘅夥計，如果老細唔注意下，就真係抵佢執笠！