橫綱

營業中

休息中

已超過10年冇去過横綱，今日男友提議再去試試，下午3：00去到，已經有好多人等緊，一心嚟到，當然都會等下，係等期間，都望下門口個MENU有咩食先，見佢多左好多吾同選擇，例如飯類，小食等。。。未入去時已決定要食咩。當有位，已好快ORDER，叫左兩碗咖喱牛肉麵，同一碟味蛋，可能得兩位煮麵師伕，所以等得都比較耐，先嚟過味蛋，見到個蛋黄好似流沙咁，感覺一定好好味，但食後又不外如是，同普通未煮熟的雞蛋差不多。另外兩碗咖喱麵，比起十多年前好似差左少少，咖喱味道不能濃烈，而且好多油，不過麵身都夠爽，牛肉都入口即溶，但牛肉份量就好似少左好多。吾知係咪佢哋都有落味精，食完後感覺好口乾，要不停飲水等。總括來說，真係今時不同往日了。