同朋友仔去咗荃灣如心廣場嘅「山見」打邊爐，兩個人試咗個Level 3極品吃到飽套餐（$328/位 +1），真心覺得抵食！😍
鴛鴦湯底夠晒出色 🌟
我哋揀咗青花椒麻辣湯同牡丹美人鍋。麻辣湯麻香十足，鴨血又滑又入味；美人鍋真係成隻雞喺度，飲落好鮮甜，仲有淡淡花雕香，未落料已經飲咗幾碗！
Level 3肉類質素掂 👍
套餐包4個代幣可以喺門口夾公仔，好玩！🥩肉類方面，月見封門柳點生蛋汁食，滑到冇朋友！美國黑毛豬同澳洲羊肩肉都唔錯，肥瘦均勻。
手工小食多到揀唔晒 🤤
必食松露墨魚滑，松露味好出！金沙芋泥球外脆內流心，超邪惡～藤椒魚皮脆得嚟帶住麻香，拔絲蔥抓餅真係拉到絲，好正！仲有蚵仔煎同酥炸杏鮑菇都好有驚喜。
自助區任拎唔嬲 🍽️
除咗點單嘅嘢食，出面仲有好多熟食、小食、飲品同甜品雪糕雪條自己任拎！
全運會送啤酒 🍺
而家做緊活動，每位送一杯山見手工啤酒🍻唔飲酒都可以揀菠蘿寶礦力特飲
回頭率 82%👍🏻👍🏻
