顧名思義，呢間舖頭係行快餐路線，不過雖然係快餐，佢哋食物一啲都唔馬虎，而且性價比好高好好食
今日叫咗三款煎餃，分別係至尊松茸豬肉餃、韭菜煎餃同香煎軟心芝士餃
豬肉餃嘅松茸味道好香，完全將松茸嘅香氣發揮得淋漓盡致；至於韭菜豬肉餃嘅豬肉雖然少少肥，不過食落更加香口，而且韭菜都好新鮮，咬落去仲見到翠綠色；至於香煎軟心芝士餃芝士達到拉絲嘅效果，食落陣陣芝士香
之後仲嗌咗個麻辣松花皮蛋同蜜餞雞翼，個皮蛋少少麻，好香口；至於蜜餞雞翼少少甜，令人欲罷不能
最後叫咗蜂蜜檸檬薏米水，健康又好飲
呢間分店位於地鐵隔離，好方便，而且食物價錢優惠得來味道有出色，十分推薦
14
