泰海鮮 (已結業)

今日嘅主角唔係我，係拒！蟹大哥！阿拉斯加長腳蟹，未食就應該要同拒影番兩張相先，型一型丫麻。平時喺香港好小食，應該係講好小捨得食！酒樓食都要二，三千蚊一隻，呢到先千幾蚊，成隻的體積大過我半身。嗰隻腳嘅，又粗又多肉，仲要係爽身，鮮甜，完全講唔出拒有乜唔好。一隻我地兩食，一個就好似食凍海鮮甘，烚起就食。甘樣食嘅味係最鮮甜的。第二個食法係蒸蛋白，用蟹蓋同腳的關節位。個人就中意食呢個食法，蛋好滑，加埋落左酒去蒸。蟹嘅鮮甜之餘仲多左陣香，真係好食。蒸帶子，呢個真係巨無霸，平時喺街市買就算買到最大隻都無今日嘅一半，真係近海得食。蒜蓉粉絲蒸係最好味，唔該！比埋刀叉我丫，我要慢慢鋸嚟食，哈哈。海鮮湯，好似好平平無奇嘅的一個湯，但話比大家聽，拒係最屈機嘅一個。用左魚，瀨尿蝦，蜆，蕃茄，薯仔等等煲出，嗰啖鮮甜感覺，好飲過煲左幾個中嗰d老火湯。現在差不多秋天了，涼涼地，唔會太熱。喺呢到食下海鮮，買下土產，再行去海邊散心，拍下拖就岩晒。