Shine (已結業)

尖沙咀一向都有唔少出色西餐廳，呢間Shine除左環境浪漫之外，食物亦具質素。前菜有火灸吞拿魚，食法有點似日本菜，經火熗燒過的吞拿魚迫出魚油香味，加上香口的芝麻，味道同口感都非常吸引。主菜分別有西冷牛扒以及微辣蜆肉意大利粉，前者7成熟的牛扒保存粉嫩的肉身，肉汁豐富，已經極具吸引，加上具份量，同朋友一齊分享就最好！而微辣蜆肉意大利粉亦值得推介，微微的辣味相當適中，夠過癮之餘又唔會奪走鮮味，而蜆肉肉身結實，彈牙而無雜質，可以食到滿滿海鮮鮮味。