Lagom Kaffe (已結業)

今次黎到呢間係觀塘既樂感cafe，呢度係觀塘近期好人氣既cafe，如果旺場果時黎，真係要排到lift位都逼滿曬人，好彩weekday既6點幾黎，都只係7成full左右，呢度d裝修都幾openess，無乜用partition，慳左牆既位，咁樣d座位就可以擺得開d，坐得忡舒服呀。叫左個台式牛肉千層麵，呢個dinner menu既item係本人最愛，上到枱仲好熱辣辣，d芝士仲拉到絲既，真係幾正，咬落軟綿綿，味道充滿左蕃茄味，食落仲有少薄荷既口感，感覺都唔錯。另外仲叫左個炸海鮮，上枱都係好熱辣辣，食落仲有煙絲冒出黎，d海鮮都幾新鮮。甜品就叫左個伯爵茶芝士蛋糕，味道好fresh，唔算太甜，同埋食落凍凍地，都幾新鮮。佢地仲有Lagom自家既咖啡豆賣，同埋手沖咖啡既濾斗同杯，都幾特別。