影片
更多
2023-07-31
41 瀏覽
二訪螢火🔥 相隔兩年再黎螢火，無論係食材﹑擺盤﹑服務都保持高水準🌟 以西式風格呈現日式鐵板燒，值得回訪！最近螢火做緊清酒祭優惠，全日指定清酒任飲🍶 惠顧二人晚市鐵板燒套餐仲有日本拖羅送添，咁正緊係要黎encore啦😍！螢火位於尖東商場地庫，位置頗為隱世。室外係日式庭園造景牆，而室內劃分左兩個用餐區域：鐵板燒同Omakase，仲有幾間獨立VIP房，最多可坐12人，私隱度十足！而成個環境最吸引非巨型LED天燈許願牆莫屬🏮 客人可以係平板上寫字，天燈就會同步顯示出黎，好有心思~ 黎呢度慶祝生日就岩哂🥳餐廳晚市有多個套餐選擇，鐵板燒二人前由每位$1,190至$1,590都有，豐儉由人。今晚就試左個超豐盛既套餐，每位$1,490共有1️⃣1️⃣品匠心炮製料理享用，有齊鵝肝﹑澳洲龍蝦﹑南非鮑魚﹑甘鯛魚，物超所值🤤♢ 🈹免費日本拖羅刺身係由Omakase部既師傅準備，食材好新鮮，每人食到兩片厚切拖羅，勁正！♢ 🍶免費指定清酒任飲店員捧住一大壺清酒冰水過黎，入面有幾支小酒瓶，用冰水坐住，保持冰涼口感❄️ 值得一讚！「白雪」清酒幾易入口，店員仲主動過黎添酒，真係任飲架🤭 細心服務加分👍🏻🚩螢火廚師特選 (二人前)
螢火位於尖東商場地庫，位置頗為隱世。室外係日式庭園造景牆，而室內劃分左兩個用餐區域：鐵板燒同Omakase，仲有幾間獨立VIP房，最多可坐12人，私隱度十足！而成個環境最吸引非巨型LED天燈許願牆莫屬🏮 客人可以係平板上寫字，天燈就會同步顯示出黎，好有心思~ 黎呢度慶祝生日就岩哂🥳
餐廳晚市有多個套餐選擇，鐵板燒二人前由每位$1,190至$1,590都有，豐儉由人。今晚就試左個超豐盛既套餐，每位$1,490共有1️⃣1️⃣品匠心炮製料理享用，有齊鵝肝﹑澳洲龍蝦﹑南非鮑魚﹑甘鯛魚，物超所值🤤
♢ 🈹免費日本拖羅刺身係由Omakase部既師傅準備，食材好新鮮，每人食到兩片厚切拖羅，勁正！
♢ 🍶免費指定清酒任飲店員捧住一大壺清酒冰水過黎，入面有幾支小酒瓶，用冰水坐住，保持冰涼口感❄️ 值得一讚！「白雪」清酒幾易入口，店員仲主動過黎添酒，真係任飲架🤭 細心服務加分👍🏻
🚩螢火廚師特選 (二人前)♢ 🥗沙律
沙律菜份量十足，伴以蒟蒻﹑蜜桃﹑番茄仔同柚子醋，新鮮醒胃。
♢ 🥚黑魚籽鵝肝蒸蛋師傅係鐵板燒爐上表演蒸蛋，口感超嫩滑，真係不得了🥹 餡料有塊鵝肝仔，面層仲放上大量黑魚籽，用料大方，好滿足！
♢ 🦞澳洲龍蝦主角出場喇🌟色香味俱全！大大隻新鮮澳洲龍蝦係咁郁😯 好生猛！師傅手勢超好，純熟咁極速起殼，再以龍蝦膏為調味料炒香龍蝦肉，每塊肉都沾滿蝦膏，味道超濃郁！龍蝦好厚肉，爽口彈牙，鮮味十足🤤 師傅物盡其用，最後仲會將食淨既龍蝦殼加到麵豉湯中，巧妙地運用龍蝦每一個部位，抵讚👍🏻
♢ 🎣南非鮑魚另一道我最期待既海鮮😍 鮑魚夠大隻，同樣非常生猛🤩 師傅即場拆殼，極新鮮！鮑魚啖啖肉，新鮮爽口，面層加上三文魚籽更顯矜貴。醬汁都好有心思，有青海苔醬汁﹑鮑魚肝醬﹑黑松露醬，每款都味道濃郁，各有特色，可以提升鮑魚鮮味，夠哂滋味🤤
♢ 🐟汁煮鱈魚當晚咁岩打完風，套餐上既甘鯛魚無貨，所以師傅轉用鱈魚，同樣高質！師傅真係好勁，竟然諗到將魚皮炸香，插到魚肉上裝飾，賣相好靚😍 入口仲非常香脆添！而魚肉口感勁嫩滑，簡單以黑椒提味，再配上法式洋蔥湯幾搭配。湯頭散發香濃洋蔥味，好飲到一啖不留😆
♢ 🦆鵝肝多士匈牙利鵝肝非常厚切😍 外層煎得焦脆，逼出豐富油香，入口即溶🤤 師傅建議搭配意大利焦糖醬食用，口感一甜一鹹，再配上煎過既多士，完美中和鵝肝既油膩感~ 唔洗每次都配青蘋果，幾有創意！
♢ 🥩日本A5和牛薄燒/厚燒 或 🐖日本黑豚肉肉類可揀一款，我地兩款都想試😆 薄燒A5和牛紋路超靚，見到都流口水🤤 薄燒牛肉點左五成熟，輕輕一燒就可以上碟，口感夠嫩滑！最正係中間夾左大量炒香左既蔥花﹑蒜片，味道超香口，好有層次感！
而日本黑豚肉同樣出色✨ 肉味突出，入口多汁，配上蒜片﹑芥末醬更加香口！伴碟仲有3款野菜：南瓜﹑番薯同豆腐，每樣都有煎過，毫不馬虎👍🏻
♢ 🦐櫻花蝦炒飯師傅加上櫻花蝦﹑蛋漿﹑紅蘿蔔粒﹑香蔥炒香，炒至金黃色，米飯粒粒分明，兼具賣相同味道🤩 最後仲係面層加上太陽蛋，撈埋蛋汁一齊食勁好味！
♢ 🥣漬物 & 吸物龍蝦麵豉湯入口清甜溫和，用剛才食淨既龍蝦殼去煲，鮮味十足！
♢ 🍰甜品以抹茶雪糕為結尾💫 味道濃郁，香甜軟滑。
張貼
